好到底麵家

營業中

休息中

原本想食倆口小吃，但撞正人手不足沒有營業，但元朗咁多好野食，唔怕無選擇。這家好到底麵家創於1946年，已經有超過70年的歷史，係我爸爸年代已經聽過。裝修保留了舊年代茶記的風格，餐廳設有閣樓，這日平日的中午人都算多，樓下剛好滿座，被安排到樓上閣樓。我和朋友各叫了一碗雲吞麵和豬手麵。雲吞麵有4粒雲吞，每粒唔算好大，但好足料，食到蝦好鮮。個麵無梘水味，但都做到爽，食完唔口渴。湯底略嫌有點淡。我無試豬手麵，朋友話好食，豬手夠大隻，炆得好腍和入味，麵底與雲吞麵一樣，都無梘水味，店員招呼很好又細心，比埋骨碟可以放豬手骨，值得一讚。沒想過食品質數高而且價錢親民，還多了一份情懷和侍應的親切招待。誠意推介未試過的過來試下。