影片
更多
2018-10-12
45 瀏覽
男友係呢頭返工，今日收工黎中環搵佢，佢話帶我去試下我未食過既菜式——老撾菜😂餐廳裝修同檯櫈擺設都偏向簡樸，店員同老闆娘服務都好好😊😊我哋叫咗一個扎肉墨丸湯米粉， 白咖哩豬頸肉飯，豐食拼盤同紅奶茶平時我唔食扎肉，因為唔中意果陣味，但係佢呢度無乜果種味道，反而有少少似厚身兼彈牙既魚片頭，幾好食！😂😂出街食墨丸唔容易食到好食，但呢度足料，唔係好粉果種質地👍啲米粉可能因為全米造所以同平時食開嗰啲唔同， 呢種係硬身同煙韌少少，會更飽肚😊個白咖哩豬頸肉飯既豬頸肉幾厚身，有啲啲似豬扒😂 口感鬆軟亦唔會太油膩，我平時都唔愛椰汁， 但係呢個飯加左少少椰汁感覺清新啲，有少少似芒果糯米飯既口感，但又無咁實同咁濕👍👍 個飯仲好特別咁配咗少少炸得好脆嘅薯角，好食！！😋😋而個小食拼盤有好幾款嘢，樣樣都唔錯！啲炸嘅嘢仲好新鮮，熱辣辣脆卜卜👏👏尤其係蝦春卷裏面有好大隻蝦清晰可見😍 男友試咗杯奶茶，勁大杯😂 佢話冇飲開既奶茶咁澀，但同泰式同港式奶茶又有啲唔同， 不過都好滑😀覺得呢間餐廳用料新鮮上乘， 呢個味道仲要開喺中環配埋呢個價錢絕對非常合理，推薦！👏
餐廳裝修同檯櫈擺設都偏向簡樸，店員同老闆娘服務都好好😊😊
我哋叫咗一個扎肉墨丸湯米粉， 白咖哩豬頸肉飯，豐食拼盤同紅奶茶
扎肉墨丸粉
$78
9 瀏覽
0 讚好
0 留言
出街食墨丸唔容易食到好食，但呢度足料，唔係好粉果種質地👍啲米粉可能因為全米造所以同平時食開嗰啲唔同， 呢種係硬身同煙韌少少，會更飽肚😊
白咖哩豬頸肉見球
$78
17 瀏覽
0 讚好
0 留言
豐盛拼盤
$88
14 瀏覽
0 讚好
0 留言
而個小食拼盤有好幾款嘢，樣樣都唔錯！啲炸嘅嘢仲好新鮮，熱辣辣脆卜卜👏👏尤其係蝦春卷裏面有好大隻蝦清晰可見😍 
紅奶茶
$17
9 瀏覽
0 讚好
0 留言
覺得呢間餐廳用料新鮮上乘， 呢個味道仲要開喺中環配埋呢個價錢絕對非常合理，推薦！👏
張貼
