Try My Bread (營盤街)

營業中

休息中

難得出開長沙灣，就決定黎依間好早就bookmark左既滑蛋吐司店，之前已經係社交平台成日見到佢既蹤影，今日終於有機會黎見下佢個真身啦～由於唔係太想食油炸野，所以無叫最受歡迎既軟殼蟹，而叫左個牛油果拼蝦仁滑蛋吐司。吐司本身唔太大份，大約同平時M記既包差唔多，但當然佢依個既麵包係好食好多，麵包用牛油煎香過，所以佢軟熟得黎外層會帶點香脆。而最出名既滑蛋都真係好滑，但d配料份量就有點少，得三片薄薄既牛油果同兩隻細細既蝦仁，完全唔夠喉呀！同埋唔知點解整體味道比我一種茶記蛋治既感覺，所以$40黎講唔太值。總結整體味道正正常常，但唔算話特別出色，所以對我黎講有點貴。而且佢主打係外賣，所以鋪頭都比較細同得幾個小位置可以食野。同埋個日假日既下晝去到都幾多人買，所以假日去既話要有心理準備要熱住企係度等。