來多碗車仔麵 (康寧道) (已搬遷) 新店位置

又到下午時候緊係搵間就腳嘅好野食下野喇，係openrice搵左一陣，最終決定去呢間離公司最近嘅餐廳，地方雖然唔算太大，但員工就夠晒親切，個人真係好耐無食過車仔麵，真係有啲番左中學時期嘅感覺一入到舖頭，右手面就係啲食物真係超級香噴噴架，而且食物嘅種類都算多。之後我地逐個到櫃面自行配搭自己嘅車仔麵，我就簡左油麵、豬紅、牛腩、魷魚，羅白呢啲都係我以前食車仔麵最鐘意嘅配搭。豬紅，唔會太鬆散，可以一下夾得起，而且味道都算入味，唔會太淡。魷魚，大大條夠晒口感，又唔會有果種令人不舒服嘅味道，而且餐廳都俾唔小客人架。。。牛腩，入口好香濃，口感唔會軟淋淋，而且仲唔算太肥羅白，呢個係精華所在，因為佢吸收左湯汁嘅精華，羅白夾起身果下，非常輕鬆絕對唔會一夾即散，而且味道因為湯汁所以都幾惹味架而且呢度對我黎都算就腳，有機會再下其他先。