鳳城酒家 (禮頓道)

營業中

休息中

去鳳城飲茶都好多次，今次同屋企人嚟食晚飯！今次係食一圍的套餐，前菜首先嚟個子薑皮蛋:皮蛋味道好濃好開謂，轉一圈已經冇曬！鳳城一品拼盤:裡面有燒鵝、燒肉、叉燒、海硩、五香牛肉共五種食物！樣樣都幾好食，燒肉皮夠脆，叉燒有少少燶邊，蜜汁亦好夠！窩貼大名蝦:係鳳城招牌菜，開邊明蝦大隻彈牙，加上下面個炸多士再點埋沙律醬，真係好食到停唔到口，雖然比較油但仍然好想食完再食！鮮奶拼野雞卷:眾人反應一般，佢個鮮奶又唔係好滑，味道亦淡一點，野雞卷亦幾油，食完上一個蝦多士，再食依個就令人有唔太想食嘅感覺！生菜包鵪鶉鬆:生菜新鮮爽口，裡面包住嘅鵪鶉鬆亦好惹味，加埋甜醬更加正！原隻雞燉翅:佢係用鸟雞、火腿去燉，精華全部去曬啲湯度，就算冇翅剩係個湯都正！順德鮭魚卷:依個其實我唔係太體驗得到佢個卷，佢係中間啲肉炒球，骨就用嚟炸！炒球嘅魚都幾滑，但味道其炸骨就好一般！炸子雞:其實味道不過不失，只係已經食到太飽！鳳城炒飯:依個飯荼都有叫，配料非常多，味道亦炒得好食，我最鐘意佢有啲蕃茄令個飯有少少酸味感覺健康同易入口啲！高湯炸粉菓:依個又係嚟鳳城必食，其他地方食唔到的！飽都要食！焗西米布甸:依個亦都係鳳城必叫甜品，最鐘意