魚鍋小甜甜 (已搬遷) 新店位置

今年年頭猴子陪朋友去天后古廟攝太歲，時光飛逝，眨吓眼又到年尾，順理成章要去還神，於是又跑到筲箕灣一趙。還神之前，去咗古廟附近嘅魚鍋小甜甜醫肚。  入到去，坐都未坐定，欣勤嘅店員已經奉上老火湯一碗，不另收費，值得一讚。而猴子就點咗個三餸車仔麵，清湯底配上海麵，餸菜方面就揀咗肥牛、豬腩肉，仲有墨魚丸。  湯底清香，上海麵彈牙，肥牛喺清湯之下更加突顯佢鮮甜嘅肉味，半肥瘦嘅豬腩肉雖然邪惡，但口感十足，墨魚丸亦係爽爽滑滑幾有咬勁。  車仔麵餐係包埋熱飲，再加埋碗免費、送完即止嘅老火湯都只係收HK$32，的確非常抵食。