閨•家 (美基樓) (已結業)

今日入屯門探朋友，大家諗食咩好，朋友仔話試過呢間閨家抵食，而且味道好好，最重要係有老火湯飲。黎到門口已經大排長龍，我地決定外賣番屋企食。蘋果紅蘿蔔沙參煲咸排骨，今日星期六，例牌老火湯，個湯好夠火喉，仲好足料。花雕醉雞飯，一打開個雞好肥美，雞件啖啖肉，仲要好滑，味帶少少酒味，做得好岀色。咖哩牛腩飯，可以揀辣度，小辣都好夠味，個咖哩汁非常濃稠，帶點椰香，完全掛上牛腩，牛腩雖然大大舊，但炆得好腍，正！追加生菜超大碗，好抵食！飲品叫咗凍奶茶同凍菜蜜，個奶茶都係好好飲。