蛇王二 (已結業)

是日係銅鑼灣搵食，但呢區野食多數都貴價野，又食唔飽，咁岩又想食飯同燒味，於是黎左呢間蛇王二食晚飯。店面佈置簡單整潔，感覺好舒服。叫左個燒味老火湯套餐，黎呢度係必食潤腸！真係永無失望，入口甘香，回味無窮，餸上白飯燒味簡直係絕配，直頭想添飯啊！另外叫左個響螺老火湯，啖啖螺肉，真材實料，盡是精華，每盅佢都落足火力心機去燉，誠意滿分！更值得留意既係，呢度伙記同氣氛都十分懷舊，聽住佢地寒暄邊嘆住老火湯潤腸，品嚐真正香港之味。