蛇王二 (已結業)

因為每日喺銅鑼灣工作關係，蛇王二已經變成我飯堂，每星期總會嚟兩三次，佢哋除左出名嘅蛇羹外，仲有佢哋嘅老火燉湯同燒味，膶腸都做得十分出色，燉湯我比較喜歡西洋菜陳腎，鳳爪螺頭，菜膽豬肺同冬瓜盅，清潤濃厚任君選擇，絕對可以比美屋企自己煲嘅老火湯，而燒味個人喜歡食豉油雞，師傅將雞隻做得夠滑又夠香，豉油味同甜味剛好，膶腸就唔駛多介紹都知道一定好食，外脆內香完全無肥膩感覺，而且套餐一湯一飯都係$80蚊左右相當合理，𠵱家天氣開始涼仲可以食碗蛇羹暖下胃。