富港酒家 (已結業)

老爺生日，同老爺去咗酒樓食生日飯，酒樓有提供小童餐椅，不過仔仔開始大，我哋冇用到，淨係將兩張櫈墊高就算，之前都食過幾次，質素幾好，份量亦都算大，今次都冇失望。上菜嘅速度都好快，第一碟嚟嘅係雞，啲皮好脆，啲肉又好Juice。呢個炒蜆唔算細份量好，粒粒都有蜆肉。小朋友最愛食呢個牛肉炒菜心，因為牛肉好林好入味，小朋友食咗最多。呢個蟹煲我哋次次黎都會叫，因為係特價品$88就有啦，個蟹煲爆得好香，又有蟹膏，真係好抵食。今次試咗呢個龍蝦芝士伊麵，實在太好食，啲龍蝦一啲都唔難拆，好容易食到，啲芝士味又唔heavy，剛到好處。