祥榮餐廳

營業中

休息中

週末去黃埔探朋友，佢請我去祥榮餐廳食晚飯，餐廳係黃埔區係老字號，地方夠大又整潔，食物多元化，價錢親民，招呼客人有禮貌。主食奉送餐湯，有中湯、忌廉湯、羅宋湯選擇，今日中湯係冬瓜湯，夠火候又足料，味道清甜。忌廉湯濃稠，口感香滑。豉椒肉片炒河，炒得夠鑊氣，大大碟份量十足，肉片鮮嫩，滑滑的河粉沾滿豉椒醬汁，十分惹味！豆腐斑腩煲，跟白飯。將炸至外表呈現金黃色的斑腩及豆腐，以特調醬汁拌炒後用煲仔上檯，熱辣辣香噴噴，其軟嫩的口感及滋味讓人回味不已！凍鴛鴦味道香濃，保留港式原味道。紅豆冰，紅豆林甜，甜度適中。 港式懷舊西多士，即叫即做，用兩塊厚方包中間夾有花生醬餡，將麵包沾上蛋漿拎去炸。麵包厚身外脆內軟，加上牛油和糖漿交融的味道，美味可口！