皇后飯店 (已結業)

到晚飯時間，想正經食過飯，就同男朋友黎呢間。我要左粟米石斑飯，粟米汁既粟米數量唔少，粒粒都係肥大既，甜甜地，唔錯，而且混入左少許火腿同洋蔥，令個汁幾香，汁質地較杰身，撈飯幾好，唔似出面食到既又稀又冇味汁，當然，一分錢一分貨。石斑份量幾多，外層微脆，肉質嫩滑，唔黏牙。飯質地硬身，幾岩口味，好快清碟。男友要左燴咸牛脷飯，我試左一舊。牛脷幾滑，幾稔，數量都唔少，汁似羅宋湯，但味道較酸，混入唔少配料，有紅蘿蔔，薯仔，芹菜，洋蔥，餸同飯分開上，份量好似比我個飯多。