影片
更多
2014-07-26
3828 瀏覽
喺openrice見到呢間餐廳，有我想食嘅片皮鴨同拔絲，而且環境好靚，所以同屋企人黎試下。位置非常近地鐵站，好易搵。餐廳有兩層，兩層既裝修都係古代宮廷風，好靚。張枱篏左個魚缸，好得意 。我地叫左柚子魚、紅燒肉丸、牛肉刀削麵、小雞蘑菇、片皮鴨同拔絲士多啤梨。柚子魚好好食！個汁酸酸甜甜好開胃，魚肉都好滑！推薦！紅燒肉丸係豬肉丸，味道有啲似紅燒獅子頭，但比獅子頭硬少少，味道不俗。牛肉刀削麵，好有口感，值得一試。小雞蘑菇，我好似食唔到蘑菇......雞肉好滑好好食，但屋企人反而覺得麻麻。片皮鴨，幾貴。鴨同醬都冇問題，只係塊皮太厚，我個人唔鍾意。拔絲士多啤梨，好靚 雖然睇落冇openrice啲圖咁大碟，但都勁過普通餐廳。味道就不過不失啦～另外呢到啲茶都好特別，係麥茶，茶葉係一粒粒嘅，侍應話係麥子黎 ，幾特別。臨走見到有枱叫左乞衣雞，我都好想試 見到好大碟泥，客人可以親自拎住支棍扑開佢～～
位置非常近地鐵站，好易搵。餐廳有兩層，兩層既裝修都係古代宮廷風，好靚。張枱篏左個魚缸，好得意 。
我地叫左柚子魚、紅燒肉丸、牛肉刀削麵、小雞蘑菇、片皮鴨同拔絲士多啤梨。
柚子魚好好食！個汁酸酸甜甜好開胃，魚肉都好滑！推薦！
紅燒肉丸係豬肉丸，味道有啲似紅燒獅子頭，但比獅子頭硬少少，味道不俗。
牛肉刀削麵，好有口感，值得一試。
小雞蘑菇，我好似食唔到蘑菇......雞肉好滑好好食，但屋企人反而覺得麻麻。
片皮鴨，幾貴。鴨同醬都冇問題，只係塊皮太厚，我個人唔鍾意。
拔絲士多啤梨，好靚 雖然睇落冇openrice啲圖咁大碟，但都勁過普通餐廳。味道就不過不失啦～
另外呢到啲茶都好特別，係麥茶，茶葉係一粒粒嘅，侍應話係麥子黎 ，幾特別。
臨走見到有枱叫左乞衣雞，我都好想試 見到好大碟泥，客人可以親自拎住支棍扑開佢～～
題外話/補充資料：
呢度連廁所都係古代風，哈哈！
(以上食評乃用戶個人意見 , 並不代表OpenRice之觀點。)
張貼