影片
更多
2018-07-23
48 瀏覽
落老蘭除咗飲嘢之外，其實仲有好多出色嘅餐廳。 就算唔飲酒， 約朋友食個晚飯， 都可以有去咗外國酒吧街嘅感覺， 又chill又寫意。呢間burger bar位於蘭桂坊嘅小巷當中，係嗰間鐵皮屋花店轉入去就可以搵到。 一入門口見大部分食客都係外籍人士，就知道無揀錯地方。餐廳環境幽暗，一列高身嘅BAR枱，食飽飽再喺度同朋友傾下偈先轉場都仲得。《炸薯條加芝士粉/半份》，薯條炸得香脆，入口都仲係熱辣辣，芝士粉均勻地灑於薯條之上，帶住點點shake shake薯條嘅意味， 芝士粉味道帶有鹹香，加埋亨氏蕃茄醬任點，無敵。《脆薯角/半份》，由於薯仔嘅比重多咗，食落更有薯味，難得能夠享受更多薯味得嚟外面仲係脆卜卜，最鍾意佢每惠顧一個漢堡，就可以用優惠價換購小食半份，咁就可以試多啲嘢啦。原本想試下個招牌流心芝士漢堡，不過店員話今日賣哂，就嗌咗個《辣味洋蔥漢堡+ 酸青瓜》，好彩呢個洋蔥漢堡都唔弱，個自家製嘅秘製辣汁十分惹味，再加上喺炒洋蔥同埋生洋蔥兩面夾擊之下，辣味嘅層次就提升咗不少。 食Burger又點少得漢堡扒呢？ 呢度嘅漢堡扒用美國安格斯牛肉每日新鮮人手打造。 食落牛味特別香濃， 而且肉汁豐富， 非常j
落老蘭除咗飲嘢之外，其實仲有好多出色嘅餐廳。 就算唔飲酒， 約朋友食個晚飯， 都可以有去咗外國酒吧街嘅感覺， 又chill又寫意。
呢間burger bar位於蘭桂坊嘅小巷當中，係嗰間鐵皮屋花店轉入去就可以搵到。 一入門口見大部分食客都係外籍人士，就知道無揀錯地方。餐廳環境幽暗，一列高身嘅BAR枱，食飽飽再喺度同朋友傾下偈先轉場都仲得。
《炸薯條加芝士粉/半份》，薯條炸得香脆，入口都仲係熱辣辣，芝士粉均勻地灑於薯條之上，帶住點點shake shake薯條嘅意味， 芝士粉味道帶有鹹香，加埋亨氏蕃茄醬任點，無敵。
《脆薯角/半份》，由於薯仔嘅比重多咗，食落更有薯味，難得能夠享受更多薯味得嚟外面仲係脆卜卜，最鍾意佢每惠顧一個漢堡，就可以用優惠價換購小食半份，咁就可以試多啲嘢啦。
原本想試下個招牌流心芝士漢堡，不過店員話今日賣哂，就嗌咗個《辣味洋蔥漢堡+ 酸青瓜》，好彩呢個洋蔥漢堡都唔弱，個自家製嘅秘製辣汁十分惹味，再加上喺炒洋蔥同埋生洋蔥兩面夾擊之下，辣味嘅層次就提升咗不少。 食Burger又點少得漢堡扒呢？ 呢度嘅漢堡扒用美國安格斯牛肉每日新鮮人手打造。 食落牛味特別香濃， 而且肉汁豐富， 非常juicy。 呢個咁美味嘅辣味洋蔥漢堡好快就俾我哋秒殺咗。
另外呢款《大蘑菇扒漢堡》， 除咗有招牌嘅手造漢堡扒之外， 用上咗大大隻嘅 Portobello mushroom，所以一上枱就傳嚟陣陣嘅大蘑菇香味。 大蘑菇嘅juicy程度絕不比安格斯漢堡扒遜色，食落有肉嘅質感， 可以話係素菜中嘅牛扒。呢個漢堡係用咗招牌特製醬，味道比較classic，配合漢堡扒嘅香濃牛肉味， 以及新鮮嘅番茄同生菜，經典滋味莫過於此。
另外不得不提膠手套通常只係出現喺炸雞店，呢間餐廳係少數有提供膠手套嘅漢煲店，啱哂鐘意企理嘅朋友；飲埋最後一啖啤酒，啱啱好見到開始有人等緊位，我倆帶住滿足嘅笑容離開。
張貼
