Steak Bar (已搬遷) 新店位置

聽講蘭桂坊開左間專食牛嘅餐廳，仲有吉列牛食添！離遠已經見到招牌，十分有霸氣！叫咗每日限量嘅頂級板腱牛扒~佢所有餐都會包前菜、沙律同埋飯本來都掙扎緊應該嗌安格斯西冷牛扒定係呢個，但係店員話呢個牛味會比較濃同埋淋啲！叫左六成熟~果然係好淋好易就切開！牛味濃，正👍呢個前菜麻醬凍豆腐都唔錯！ 終於到我最期待嘅吉列牛！佢個爐上面本身已經有油，雖然唔知係咩油，但係有陣陣牛油香～吉列牛值得一讚，炸得香脆，而且炸粉唔厚，亦唔會甩皮黐住晒個爐👍煎到兩面少少脆更加好食！牛味濃，冇筋，推薦！兩個餐入邊我比較鍾意食吉列牛～大家都可以試吓！另外千祈唔好忽略隻碟右下角有蒜鹽，點蒜鹽係另一種風味！