影片
更多
2015-04-24
602 瀏覽
人生除左股市之外，仲有好多可以專注，個市好到咁啲人就唔記得左周星星我。辛苦得黎自在食，贏錢都係想住好啲食好著好啲，好似女皇唔理俗事，好注專我…同唔同佢食好野，都令我有啲安慰。今日同女皇行完永遠21，就轉左個彎去食咖哩，話時話，講起咖哩就諗NBA 個CURRY，真係好很型，最近又打得幾好。講返個咖哩，係日式。點解知？因為一入去就聽到個廚師講日文，係靚仔既，好彩女皇見唔到，唔係就有排煩。Ｅ到主要食咖喱飯同小食，款式唔多，但組合多，三一得個三，夠ＰＯＴ 既豹子頭二個點夠，要二十個餸都仲得呀！女皇唔知係咪睇得多武眉娘，霸氣越黎越盛，一坐得就拎起個ＭＥＮＵ啪啪啪咁就叫好晒食乜，望咩，有得食真係唔食，食住先啦。佢叫左好多個小食，都係熱氣野，唔好話炸一定好食，我就先前食左間炸都唔好食既餐廳，真係要寫個服字。女皇叫左薯條、金芝年、野人烤肉腸。薯條佢就叫老虎絞薯條，佢係ＭＣ式薯條，均勻咁加左黑椒粉，夠脆，你知ＭＣ啲薯條點架啦，無黎新氣咁軟LAILAI，但Ｅ到啲薯條都可以，但係普通既薯條點滿足到香港人，正所謂牛丸都要瀨尿先有人食，佢有個咖哩芝士醬。個醬，係得既。因為佢整熔左個芝士，加埋甜甜地既日本咖喱，夠
今日同女皇行完永遠21，就轉左個彎去食咖哩，話時話，講起咖哩就諗NBA 個CURRY，真係好很型，最近又打得幾好。
講返個咖哩，係日式。點解知？因為一入去就聽到個廚師講日文，係靚仔既，好彩女皇見唔到，唔係就有排煩。
Ｅ到主要食咖喱飯同小食，款式唔多，但組合多，三一得個三，夠ＰＯＴ 既豹子頭二個點夠，要二十個餸都仲得呀！女皇唔知係咪睇得多武眉娘，霸氣越黎越盛，一坐得就拎起個ＭＥＮＵ啪啪啪咁就叫好晒食乜，望咩，有得食真係唔食，食住先啦。
佢叫左好多個小食，都係熱氣野，唔好話炸一定好食，我就先前食左間炸都唔好食既餐廳，真係要寫個服字。
女皇叫左薯條、金芝年、野人烤肉腸。
薯條佢就叫老虎絞薯條，佢係ＭＣ式薯條，均勻咁加左黑椒粉，夠脆，你知ＭＣ啲薯條點架啦，無黎新氣咁軟LAILAI，但Ｅ到啲薯條都可以，但係普通既薯條點滿足到香港人，正所謂牛丸都要瀨尿先有人食，佢有個咖哩芝士醬。個醬，係得既。因為佢整熔左個芝士，加埋甜甜地既日本咖喱，夠唔夠照！
金芝年係芝士炸年糕，皮夠脆，內夠軟，軟得黎唔會涷冰冰，最重要係裏面係芝士係流心，流心出黎係唔辣咀仔。
一條豬肉雞骨腸，去邊女皇都要食，見到就要食，日食，月食，年食、、、阿門。個小食本身可以，豬肉雞骨腸，熱辣辣上台，但重點又係個醬，蜜糖芥末，幾多人為ＭＣ個蜜糖芥末而瘋狂，你去到就任你食，個薯條任你點，點ＪＡＣＫ都爭唔到你。
食熱氣野，梗係要啤一啤。叫左個日本白啤，清清地，同女皇一齊飲。個公仔好易認，係一隻貓頭鷹。其實我心裏面有一絲童真，有一刻想叫個波子汽水。。。
因為唔食得刺激性野，即係咖喱，食薯條嗰陣已破戒，所以個飯要食得乖少少。真係好彩，佢有除左咖哩，仲有個蕃茄醬，再追加個溫泉蛋，再再加個涮涮牛肉，再再再加個熱熔芝士。嗚呀！媽呀！真係諗返都覺得正！我先將隻蛋撈好個飯，將蕃茄醬筆落去，再圍住一片牛肉，師夫，點睇呀！飯有蛋香，加上甜甜地既蕃茄醬，嫩滑既牛肉，融為一體，係咪唔記得左啲野，係，係芝士，熔左既芝士係好香，點解我無ＭＥＮＴＩＯＮ，係因為佢同蕃茄醬已經芝醬合一，份唔開，但食得出，嗚呀！
女皇佢有心挑戰極辣，因為可以貼堂，佢有個ＧＩＭＭＩＣＫ野係如果叫佢個極辣係可以映張即映即有貼喺餐廳。好彩！我叫停左佢，唔係真係我食，嘩嚇到丫，真係講左句粗口。最後叫佢地比我地試下個咖哩少少少少，真係頂唔浦。
食完。真係好飽，飽到頂住，但係頂到嘔都要送埋女皇上車先可以回府。有時諗，比我做下女皇都好。張貼
