影片
更多
2017-12-04
465 瀏覽
喺太子近深水埗一帶，多數食肆都係老字號，而且舊式茶餐廳、火鍋、打冷、酒樓佔多數。小田田餐廳就走田園風格，喺呢個老街區可以話係「萬紅叢中一點綠(田園風係綠色架嘛)」，招牌係相當清新嘅青綠色，非常吸引眼球。入面裝潢係清新田園風，好似喺間田園中嘅屋仔食嘢咁，感覺好舒心好relax。由於肚餓關係，見到呢三個咕𠱸，我諗起蔬菜、紅蘿蔔同紫薯。我地叫左一個Dinner set、一個火辣辣鐵板。Dinner set選擇都幾多，百幾至二百幾蚊，除餐湯、麵包、餐飲外，仲可以特價換小食，半價轉特飲。火辣辣鐵板雖然冇餐湯餐包，但只係$78-128，如果叫嘅係鐵板蛋包飯，就送倒立冰一杯，好抵，因為單點一杯要$42架。Dinner set 【烤韓國濟州島黑毛BB豬鞍$188】是日餐湯係蘑菇湯配自家製紫薯飽 - 蘑菇湯味道濃郁，充滿粒粒蘑菇蓉。湯碗裝湯嗰部份睇落好細，但其實個碗好深，所以份量唔少，而且更加令個湯保持溫熱。第一次食紫薯飽，味道唔甜但幾有紫薯香，而且質感鬆軟。【是日水果茶$24】餐飲轉咗特飲，水果茶原價$24，特價$12，但唔會因跟餐而偷工減料。茶壺，烘爐同茶杯都係全玻璃，好精美。茶裡面有火龍果、橙、檸
入面裝潢係清新田園風，好似喺間田園中嘅屋仔食嘢咁，感覺好舒心好relax。
由於肚餓關係，見到呢三個咕𠱸，我諗起蔬菜、紅蘿蔔同紫薯。
我地叫左一個Dinner set、一個火辣辣鐵板。Dinner set選擇都幾多，百幾至二百幾蚊，除餐湯、麵包、餐飲外，仲可以特價換小食，半價轉特飲。火辣辣鐵板雖然冇餐湯餐包，但只係$78-128，如果叫嘅係鐵板蛋包飯，就送倒立冰一杯，好抵，因為單點一杯要$42架。
Dinner set 【烤韓國濟州島黑毛BB豬鞍$188】
是日餐湯係蘑菇湯配自家製紫薯飽 - 蘑菇湯味道濃郁，充滿粒粒蘑菇蓉。湯碗裝湯嗰部份睇落好細，但其實個碗好深，所以份量唔少，而且更加令個湯保持溫熱。
第一次食紫薯飽，味道唔甜但幾有紫薯香，而且質感鬆軟。
【是日水果茶$24】餐飲轉咗特飲，水果茶原價$24，特價$12，但唔會因跟餐而偷工減料。茶壺，烘爐同茶杯都係全玻璃，好精美。茶裡面有火龍果、橙、檸檬和提子。水果茶我鍾意飲甜嘅，呢度嘅就唔甜，不過都夠果味，唔錯。
主菜用木板上，配有蔬菜。件豬鞍份量足，厚度目測有3cm左右。
豬鞍質素令我地喜出望外，外層燒得微焦，咬落仲有少少脆。裡面嘅肉約8-9成熟，所以睇到顏色有啲粉嫩。外層同肉之間有一層薄薄的脂肪，再加上肉質非常鮮嫩，咬下去很juicy，肉味也很濃郁，滿口油香，可以唔需要蘸附上嘅燒汁都夠晒味。以晚餐$188的價錢嚟講，性價比極高，係我食過嘅黑毛豬中最好味嘅。
火辣辣鐵板【1++韓牛漢堡鐵板蛋包飯$118】用鐵板上，不過就冇pexxer lxxch嗰啲吱吱聲咁吸引。韓牛漢堡牛味濃郁，而且漢堡連埋個飯都落咗好多黑白芝麻，所以食落都幾香口惹味。
我地叫咗芝士汁，原來嗰細細個樽仔白白哋嗰樽就係，試咗少少，質感似杰杰地嘅白汁，味道就唔係我哋expect嗰隻芝士味，所以冇落到。不過本身個飯+醬汁都夠味道夠creamy所以冇乜問題。
個飯本身其實都有芝士，做到拉絲效果架。
【藍海洋】海藍色嘅飲品，望落已經感覺涼爽。倒插嗰支喺Lemonade，酸酸甜甜幾開胃，大大支飲管，飲落夠晒透心涼，爽呀~
【特濃朱古力心太軟伴雪糕$42】朋友係心太軟fans，一見到個餐牌有已經雙眼發光。佢話個心太軟味道都不錯，不過個流心朱古力漿稍為唔夠濃。雖然未係完美，但佢都encore咗一個……
我哋兩個食到好飽，每人大約$200已經有晒甜品同特飲，而且仲唔駛加一，真係幾抵食。第時嚟到呢區又多一個好選擇~
張貼
