鳳城酒家 (已結業)

每年老豆生日都要大費周將諗食咩特別野，今年選址太子鳳城酒家古老既牆好有老鋪既味道二樓門口一入去就見到呢個字入面無想像中咁大，我地七個人叫左五菜一湯金錢雞、八寶鴨、釀鯪魚、小炒皇、菜心加個羹，五個白飯瑤柱冬蓉羹ｰ好足料唔會太咸，味道岩岩好金錢雞ｰ第一次食好特別，有肝叉燒同肥豬肉，但係感覺乾左少少小炒皇ｰ有蝦有帶子同出面食唔同，火喉炒得好好八寶鴨ｰ足料，非常足料，鴨肉(林)唔會(鞋)釀鯪魚ｰ都係第一次食，好好食又無骨，師傅手功真係一流最尾一碗綠豆沙埋尾碟頭都唔細嫁，我地七個人岩岩好食得晒無浪費，全程都同個侍應有講有笑，好有以前酒樓個種人情味主角都非常滿意呢餐順德菜