影片
更多
2017-10-09
1266 瀏覽
8-10-2017（農曆八月十九）老豆生日！拜佛多年既佢，食菜多過食肉，咁同老豆慶祝生日，唔洗講都知一定係食素啦！所以今晚呢餐素，我個肥仔實唔多岩食😂食得素我就絕對係食【大自然素食】，仲係食尖沙咀呢間，一黎好食！二黎自己係舊員工，當然要支持舊老闆啦！🤣上星期我一早已經Book 左今晚6:00pm（10位），一家人食飯最重要係乜？好食？呢個當然啦！但好食既大前提係要一家人齊齊整整咁坐低一齊食飯，咁先至最重要嘛🤗次次食親大自然都一定係我發板話事，食乜都係我決定，今晚同樣唔例外！因為同老豆慶生，緊係點多啲野食啦！人多可以點多幾款，食多幾款嘛⋯⋯今晚真係點左如下美食😋牛油果多士～香濃既醬鋪上脆口既多士，超級好食！肥死都抵，多士係每次必食👍沙嗲羊肉串～仿真度應該好高！因為未來弟婦話食到肉味🤣呢個串燒輕食幾好，一粒粒，沙嗲夠惹味😋芥末雲耳～我個人嗜辣，當然最捧場啦！飯前小菜開開胃😋霸王西施～凍豆腐！但豆腐面有紫菜同素肉鬆，同埋個汁好好味，好快已被清碟😍厚燒玉子～其實即係蛋啦！呢個不太特別，純粹叫比小朋友食，但係份量少左啲咁囉，得四舊咁少😅薑汁有機豆苗～我最愛😍一個人都可以食得晒，生食就麻麻地，但炒
老豆生日！拜佛多年既佢，食菜多過食肉，咁同老豆慶祝生日，唔洗講都知一定係食素啦！所以今晚呢餐素，我個肥仔實唔多岩食😂
食得素我就絕對係食【大自然素食】，仲係食尖沙咀呢間，一黎好食！二黎自己係舊員工，當然要支持舊老闆啦！🤣
上星期我一早已經Book 左今晚6:00pm（10位），一家人食飯最重要係乜？好食？呢個當然啦！但好食既大前提係要一家人齊齊整整咁坐低一齊食飯，咁先至最重要嘛🤗
次次食親大自然都一定係我發板話事，食乜都係我決定，今晚同樣唔例外！因為同老豆慶生，緊係點多啲野食啦！人多可以點多幾款，食多幾款嘛⋯⋯
今晚真係點左如下美食😋
牛油果多士～
香濃既醬鋪上脆口既多士，超級好食！肥死都抵，多士係每次必食👍
沙嗲羊肉串～
仿真度應該好高！因為未來弟婦話食到肉味🤣呢個串燒輕食幾好，一粒粒，沙嗲夠惹味😋
芥末雲耳～
我個人嗜辣，當然最捧場啦！飯前小菜開開胃😋
霸王西施～
凍豆腐！但豆腐面有紫菜同素肉鬆，同埋個汁好好味，好快已被清碟😍
厚燒玉子～
其實即係蛋啦！呢個不太特別，純粹叫比小朋友食，但係份量少左啲咁囉，得四舊咁少😅
薑汁有機豆苗～
我最愛😍一個人都可以食得晒，生食就麻麻地，但炒熟後就一流！正正正👍
欖肉乾扁四季豆～
家姐最愛！又係必點之選，味覺較濃，但極好送飯！如果多啲豆再少啲素肉仲更加正😍👍
乳豬掛包～
嘩！最最愛😍😍呢個乳豬掛包，人少就唔岩食，因為怕食飽都食濟，人多就唔叫唔得！一塊熱辣辣軟熟既白包，打開佢放上一塊素乳豬，一片青瓜，再抹上乳豬汁，包番塊飽，一啖咬落去，唔⋯⋯⋯無得輸！我個仔食左五件乳豬掛包呀！一份得8塊，我點左2份，我都只係食左一塊咋😔
玉子豆腐粟米粥/南瓜雜菌粥～
叫左一鍋大既粟米粥，其實都只係夠4人份量咋！呢個粥我一向勁鐘意食，特別係每當我病緊或剛病完一定黎食，貪佢有料又有味，😍今晚另外仲有點左南瓜什菌粥，味道都唔錯架！不過今晚南瓜唔夠林身，爽口南瓜唔多受人歡迎😅
黑松露牛油果炒飯～
以前我超鐘意食呢個炒飯，飯食得太多好易肥🤣不過耐無食今晚點都要食吓既，我仲以為中國人都係比較（湊米氣）點知家姐食白飯，其他人無飯癮，我直接打包返屋企自己慢慢嘆🤗
加州卷～
A貨壽司！用紅羅白碎扮魚子粒，呢個有諗頭🤣呢個不過不失啦！都係上主菜前純粹攝牙😂
特別要讚：今晚糖水紫米露，超正！連唔食甜既我都成碗食晒👍
特別勁讚：多年黎！呢度既自制素XO醬係超好食！勁好食！😍
其實仲有幾款菜架！不過相片上傳有限，唯有下次再介紹啦！今晚呢餐$1600有找，我地4兄弟姊妹，老豆生日就緊係除4啦！每人都只係$400，抵食到爛👍👍👍
牛油果多士
55 瀏覽
0 讚好
0 留言
沙嗲羊肉片
42 瀏覽
0 讚好
0 留言
芥末雲耳
32 瀏覽
0 讚好
0 留言
霸王西施
43 瀏覽
0 讚好
0 留言
厚燒玉子
36 瀏覽
0 讚好
0 留言
薑蓉有機豆苗
40 瀏覽
0 讚好
0 留言
欖肉乾扁四季豆
42 瀏覽
0 讚好
0 留言
乳豬掛包
48 瀏覽
0 讚好
0 留言
玉子豆腐粟米粥
64 瀏覽
0 讚好
0 留言
黑松露牛油果炒飯
77 瀏覽
0 讚好
0 留言
加州風卷
77 瀏覽
0 讚好
0 留言
張貼
