悅木 (已結業)

老趙，耐唔久都會幫襯，悅木這間變身版，又黎試下。兩個人，唔食得多，都係小試幾款。餐前蝦片，夠脆，惹味的小食。越式薄餅，薄餅做得夠香脆，個人覺得硬左d，餅皮有椰香味道，食落也不錯。餡有豬腩肉同蝦，加埋一齊食幾香口，不過整塊幾油下，食多兩舊幾膩。春卷，皮韌左d，餡入面d檬粉就幾唔錯。雞翼，香茅味唔錯，幾好食。牛肉河，湯幾鮮甜，牛肉就一般，唔多吸引。越式咖啡，滴下滴下，煉奶下得夠多，咖啡濃郁帶點苦，不過係可以接受既程度，飲到尾幾甘甜，很不錯的越式咖啡。老趙系，水準不錯，環境比其他分店佳，這悅木挺不錯。