老鍋台式火鍋 (京都廣場) (已結業)

今日收工去左老鍋台式火鍋打邊爐。餐廳係正銅鑼灣港鐵站出口對面，位置方便。落單用二維碼。尚膳養生鍋 之前都係食膠原蛋白美人鍋多，今日試新野，試試尚膳養生鍋先。尚膳養生鍋材料有人參、當歸、紅棗、杞子、龍眼肉等藥材。個湯本身已經有好多材料，包括蜂巢豆腐、冬菇、粟米、香蔥同京蔥，好多野食。先飲一啖湯，好濃當歸味，鹹香適中，鹹中帶甘，好飲。呢個湯做湯底好，令食物好入味。我鍾意。涮鍋小羊肉片涮鍋小羊肉片一客10片，捲得靚靚上枱，淥一淥就食得，肉質嫩口，脂肪唔多，味道唔會太羶。墨魚丸，蛋餃，蝦墨魚丸食得出好新鮮，墨魚味鮮甜。蛋餃既蛋皮好簿又滑。4隻連殼鮮蝦用竹籤拮住。非常鮮甜。五彩鮮蔬雜菌盤 (小)五彩鮮蔬雜菌盤有油墨菜，生菜，娃娃菜，金菇，本菇，南瓜，粟米，番茄。果然係五顏六色，食材新鮮。千張豆葉紙 千張豆葉紙一客9塊，淥兩秒就可以食，又薄又滑，豆味啱啱好，非常掛湯。凍冬瓜茶飲品叫咗兩杯凍冬瓜茶，用啤酒杯裝。甜甜地，味道好好。自助調料吧有辣椒，莞茜，蔥，豉油，炸蒜，香醋，沙茶醬，蒜泥汁。呢餐多菜少肉，食完感覺健康又飽肚。呢度有好多四人卡位，枱同枱之間既距離夠遠，有私隱度，座位舒適。最後多謝友人請客