老鍋台式火鍋 (金馬倫道) (已結業)

近排凍凍地，都唔記得食左幾多餐邊爐，平時多數去酒樓打邊爐，今次試左呢一間台式火鍋，原因係⋯⋯美人要食美人鍋裝潢都幾有中國風，感覺唔錯！有一番古舊的味道美人為美人鍋而來，我為麻辣鍋而來美人鍋有桃膠、烏雞、杞子、紅棗等等材料桃膠係近年新興，含豐原膠原蛋白，啱晒女仕☺️非常足料，啲桃膠食極都有，紅棗杞子都好甜而麻辣鍋有大、中、小辣，而我叫左小辣，因為第一次食唔知辣度如何，湯底好有麻辣既香味，而且食落一啲都唔油膩，湯底𥚃有台灣直送鴨血同冰豆腐，鴨血薄薄的、好滑，冰豆腐吸晒啲湯汁好好味，同煮極都唔爛，越煮越夠味道，不過小辣就覺得一啲都唔辣下次要叫中辣或者大辣先得打邊爐通常都食牛，其實豬都幾好食架呢個梅花豬肉，脂肪幾靚，唔係太多，爽口豬肉味濃丸類可以雙拼，香菇貢丸好食，爽口彈牙，冬菇好大粒，魚旦一般響鈴原來即叫即炸，所以都等左一段時間上台時仲熱辣辣，脆卜卜，但感覺似炸雲吞皮手工墨魚丸，新鮮，口感同墨魚滑差唔多新鮮唐生菜總括黎講，湯底幾特別亦都好足料，價錢中上，火鍋配料較少選擇，希望遲啲會增加多啲