影片
更多
2020-11-27
2369 瀏覽
想同朋友喺尖沙咀食飯，朋友上網睇咗一陣就book咗呢度，一來係黃店，二來地點方便，價錢又OK。到咗食飯當日，朋友早咗到，因為只係六點，餐廳當然冇問題。我坐低咗之後，大家一齊睇Menu諗吓食乜。食物選擇都算多，價錢都好公道。係呢個時候有位長頭髮紮馬尾，着短褲嘅waitress 行過，朋友問佢可唔可以要住兩杯水先，Waitress 答話佢’ 只係有distilled water‘ 。 即係只有收錢嘅水。我同佢講，其實想要杯熱水，waitress 立即黑面，轉頭真係只浸左一杯熱水，放喺枱嘅角落頭就行開咗。我同朋友立即側目，而家經濟環境咁差，分分鐘因為疫情太嚴重下星期又唔可以做晚市，竟然仲有餐廳嘅員工態度可以差到咁樣。再者，我哋都係因為黃店所以過嚟支持下，冇諗到而家咁多人失業，原來仲有人係 ‘唔憂做’。因為我同朋友都唔算大食，只係叫咗兩個主菜、一個配餐湯沙律，再加支啤酒。喺點菜嘅時候，我哋見餐廳冇乜人，要求坐張大啲嘅枱。服務我哋嘅應該係餐廳經理，一位年紀比較大嘅男士，態度非常好。之後亦有另一位長髮waitress 態度亦好好。本來朋友好想即刻投訴，但我哋最後都係忍住左，始終食物仲未嚟，我唔想俾
到咗食飯當日，朋友早咗到，因為只係六點，餐廳當然冇問題。我坐低咗之後，大家一齊睇Menu諗吓食乜。食物選擇都算多，價錢都好公道。
係呢個時候有位長頭髮紮馬尾，着短褲嘅waitress 行過，朋友問佢可唔可以要住兩杯水先，Waitress 答話佢’ 只係有distilled water‘ 。 即係只有收錢嘅水。我同佢講，其實想要杯熱水，waitress 立即黑面，轉頭真係只浸左一杯熱水，放喺枱嘅角落頭就行開咗。
我同朋友立即側目，而家經濟環境咁差，分分鐘因為疫情太嚴重下星期又唔可以做晚市，竟然仲有餐廳嘅員工態度可以差到咁樣。再者，我哋都係因為黃店所以過嚟支持下，冇諗到而家咁多人失業，原來仲有人係 ‘唔憂做’。
因為我同朋友都唔算大食，只係叫咗兩個主菜、一個配餐湯沙律，再加支啤酒。喺點菜嘅時候，我哋見餐廳冇乜人，要求坐張大啲嘅枱。服務我哋嘅應該係餐廳經理，一位年紀比較大嘅男士，態度非常好。之後亦有另一位長髮waitress 態度亦好好。
本來朋友好想即刻投訴，但我哋最後都係忍住左，始終食物仲未嚟，我唔想俾人加料。
先上嘅係三文魚扒，亦都係由嗰一位冇禮貌嘅員工拎俾我哋嘅....真係完全冇講嘢就咁拍一聲擺喺枱面就行開。
兩份主菜，三文魚扒同pork belly。兩樣都煮得好好食，特別係pork belly, 外面比較少見嘅菜式，皮同肉都好香脆，分量亦好足夠。三文魚扒相信係煎完再焗，魚皮好香脆。
大概7:45pm, 突然有waitress 好有禮貌咁同我哋講 ‘因為限聚令，我哋8:00你張枱又有Booking⋯⋯‘。我明白佢意思係想我哋埋單，香港租金咁貴，生意難做，當然理解，但同限聚令有乜關係？而且我哋訂枱嘅時候餐廳員工亦都冇提過。
最奇怪嘅係講呢句說話嘅員工好有禮貌，我拎過去望一望先發現原來係之前嗰一位好冇禮貌嘅waitress。由於態度180度改變，餐廳裏面燈光亦比較暗，我有問我朋友到底係唔係同一個人，答案係。
其實餐廳食物質素同價錢都唔錯，如果淨係計呢兩樣嘅話我會再返嚟幫襯。但呢一位員工嘅態度實在令人咋舌。
老闆到底知唔知道有一位咁樣嘅員工呢？
張貼