小苗子 (已結業)

超級差嘅經驗， 主要因為女老闆娘態度極差， 食物質素亦好低劣。我4點50分去買餐，之後五點鐘趕我走，話要閂門，叫我快啲食， 如果要5點閂門，點解我order嘅時候唔講聲?全程我食咗15分鐘， 有其他客人嚟買嘢，佢同其他客講嘢超級大聲， 仲超級冇禮貌，嘈足15分鐘， 有貼錢買難受嘅感覺。食物好細份，啲菜又唔新鮮， 打正旗號食素，但完全冇清淨心靈嘅感覺。個素冷麵好求其，加好多芝麻醬，搞到好鹹。素漢堡包勁乾，好似食緊樹皮，好難食， 真係貼錢買難受， 以後都唔會再幫襯。