泰興餅店

營業中

休息中

前嗰排大熱嘅豬柳蛋熱香餅，今次就去咗試。要一大早去排晏少少就已經冇晒。住得比較遠嘅人就真係難少少買到。我係買一個豬柳蛋再加一杯奶茶。呢個組合係典型嘅港式早餐好選擇，個人覺得幾好。如果鍾意經典嘅港式快餐味道，呢款熱香餅豬柳蛋加絲襪奶茶應該幾啱。佢個熱香餅，內裡柔軟有少少奶香。咬落去鬆軟帶口感，對比起M記，佢依個算係比較甜。豬柳雖然唔算特別 juicy，但鹹香味配蛋夾喺熱香餅中間都幾和諧，甜鹹適中。奶茶香濃而帶少許澀味，係經典港式絲襪奶茶。奶香同茶香比例都啱啱好，茶味稍為突出，夠晒濃厚。