影片
更多
2014-11-12
524 瀏覽
東大街實在大多嘢食，競爭好大，無番咁上下，真係好難留低。呢間韓式小店都開咗年幾，路過幾次都無入去試。今日原本想去試另一間舖頭，但係原來只做外賣，無得堂食。突然諗起韓式前菜，就去咗韓食媽媽。小店好家庭式，已經接近十點，人客唔多。近日天氣涼涼哋，小妹要咗半隻人參雞。雞未嚟之前，先嚟咗個小妹最鍾意嘅韓式前菜，份量小小；有清爽嘅大荳芽、粉粉哋嘅黑豆、甜咗少少嘅蕃薯、仲有做得幾出色嘅泡菜。仲滾緊嘅人參雞湯終於上枱。就好似其它韓式人參雞湯一樣，個湯無乜人參味，不過幾好飲，至少無味精。雞肉軟滑，仲好留心咁奉上一小碟鹽嚟調味。仲有一隻手指咁上下大嘅鮮人參，同少少糯米。舖頭細細，只有一個樓面姐姐，仲有三個喺廚房做嘢嘅都係姐姐。老闆娘係韓國人，佢唔只有個韓國人樣，小妹仲偷聽到佢講電話嗰陣，係用非常流利嘅韓文。
呢間韓式小店都開咗年幾，路過幾次都無入去試。今日原本想去試另一間舖頭，但係原來只做外賣，無得堂食。突然諗起韓式前菜，就去咗韓食媽媽。
小店好家庭式，已經接近十點，人客唔多。近日天氣涼涼哋，小妹要咗半隻人參雞。雞未嚟之前，先嚟咗個小妹最鍾意嘅韓式前菜，份量小小；有清爽嘅大荳芽、粉粉哋嘅黑豆、甜咗少少嘅蕃薯、仲有做得幾出色嘅泡菜。
仲滾緊嘅人參雞湯終於上枱。就好似其它韓式人參雞湯一樣，個湯無乜人參味，不過幾好飲，至少無味精。雞肉軟滑，仲好留心咁奉上一小碟鹽嚟調味。仲有一隻手指咁上下大嘅鮮人參，同少少糯米。
舖頭細細，只有一個樓面姐姐，仲有三個喺廚房做嘢嘅都係姐姐。老闆娘係韓國人，佢唔只有個韓國人樣，小妹仲偷聽到佢講電話嗰陣，係用非常流利嘅韓文。
張貼