影片
更多
2008-08-06
91 瀏覽
05-aug-08 6:30 pm 大角咀對我黎講係幾吊腳, 由旺角行去要 15分鐘, 上次黎去左OR榜上有名既金船長, 覺得不外如是. 今日則拜訪一下同樣好評如潮既"車品品". 最怕又等位, 所以同 navio 6:30PM 就到. 田園味風味重既木枱椅又幾特別. 親切既老闆娘好快走黎叫我地慢慢睇下食咩. 我第一時間問左有咩甜品....點知紅 /綠豆沙都因為太忙而未有供應. navio 有點失望, 恕我地無緣了... 只有藍莓蛋白布甸, 芝士光酥及一人前西瓜盅. 翻開餐牌, 睇到唔少特別小食. 八喜撈, 魚鬆粥, 魯肉餃, etc..而且都仲睇到老闆娘既細心. 連普通既冰, 都可以選擇 bonaqua 做的, (+2), 叫人飲得放心~ 時間太早, 未想食澱粉質, 於是邊食邊叫, 先黎個淨魯肉餃 (8 pcs/ $25), 兩溝 (魚肉+ 碗仔翅 , $15), 秋梨茶 ($6). 老闆娘再三提醒要多等一會, 始終人手不足. 幸好不到 15分鐘就可開餐.魯肉餃面頭灑上鮮香蝦子, 幾有心思. 個子不大,外皮有點煙un 係我喜歡的口感. 裡頭肉不算多, 帶著甜甜的味道, 食
大角咀對我黎講係幾吊腳, 由旺角行去要 15分鐘, 上次黎去左OR榜上有名既金船長, 覺得不外如是. 今日則拜訪一下同樣好評如潮既"車品品". 最怕又等位, 所以同 navio 6:30PM 就到.
田園味風味重既木枱椅又幾特別. 親切既老闆娘好快走黎叫我地慢慢睇下食咩. 我第一時間問左有咩甜品....點知紅 /綠豆沙都因為太忙而未有供應. navio 有點失望, 恕我地無緣了... 只有藍莓蛋白布甸, 芝士光酥及一人前西瓜盅.
翻開餐牌, 睇到唔少特別小食. 八喜撈, 魚鬆粥, 魯肉餃, etc..而且都仲睇到老闆娘既細心. 連普通既冰, 都可以選擇 bonaqua 做的, (+2), 叫人飲得放心~ 時間太早, 未想食澱粉質, 於是邊食邊叫, 先黎個淨魯肉餃 (8 pcs/ $25), 兩溝 (魚肉+ 碗仔翅 , $15), 秋梨茶 ($6). 老闆娘再三提醒要多等一會, 始終人手不足.
幸好不到 15分鐘就可開餐.魯肉餃面頭灑上鮮香蝦子, 幾有心思. 個子不大,外皮有點煙un 係我喜歡的口感. 裡頭肉不算多, 帶著甜甜的味道, 食友話因為用了冰糖煮..?! 兩溝是navio 之選.餐牌說明冬菰係原木花菰以人手掰開, 食落果真非常香滑! 材料足而豐富又新鮮. 冬菇絲、粉絲、木耳絲、魚肉、豬肉絲, 做得幾出色!
秋梨茶個人認為甜了一點點, 但味道絕對清潤可口.
第二 round 再黎淨蘿蔔+日本帆立貝(一隻) 配腩汁, 招徠大雜麵 ($29), 是日 speacial 藍莓蛋白布甸 ($25), 一口芝士光酥伴雪糕 ($23). 一人前西瓜盅都幾得意, 用上當造迷你西瓜, 切粒, 加生果同涼粉, 幾creative~ 留待下次啦~
淨蘿蔔入口極甜, 極淋兼無渣, 再黎兩客都攪得掂. 必食的!!帆立貝則普通了一點, 煮得好淋, 但不是鮮貨又無驚喜了.
招徠大雜麵: 一心試勻多款車仔送, 指明走大腸. 其實都幾大埋頭, 有紅腸, 芝士腸, 牛柏葉, 牛腩, 尤魚, 魚肉, 雞翼尖, 墨丸, 龍蝦丸+ 蛋麵及腩汁. 最好既係翼尖, 好入味, 最唔得係魚肉, 淋pat pat又無咩味. 其餘表現平平.
老闆娘見我地食完, 收左碟就上布甸. 餐牌本有士多啤利味, 但剛售完, 老闆娘仲即製中. 強調是鮮藍莓製造的布甸, 入口都是已攪碎的藍莓+ 鮮忌廉同蛋白. 不太甜, 但藍莓味就唔太強烈了. 如果混入原粒藍莓就更好~
一口芝士光酥就o係我身旁出爐, 是傳說中不西, 不中 ,不日的新甜品. 老闆娘話原名叫"芝士火山爆發". 但比佢老公 rejected左～ 光酥被夾開後香味四溢, 第一啖食落口感就勁似 qq 麻糬波! （可能比個名吸引左, 其實又唔係咁特別）,第2啖就同雪糕一齊放入口, 點知好食好多呀!!! 你係有唸一頭既, 老闆娘＠～
埋單 $ 一生發, 一個美好的結束.
想知車品品最新發報, 可到: http://hk.myblog.yahoo.com/bonboncafe_hkblog/index?l=f&id=9
張貼
