華記海鮮飯店

營業中

休息中

梅窩係一個好可愛既地方，搭一程船就可以感受慢活。星期六同朋友去左一個書店，逗留左4個幾鐘感覺好肚餓就决定去食海鮮歇歇腳。華記係我好推薦既海鮮餐廳。因為無論環境食物質素心思同價錢，佢都係無懈可擊既。望住海景吹住海風食海鮮簡直一流阿。今次嗌左個海鮮餐，大約500零蚊三個人，包括有例湯同埋4樣海鮮。特別要講下呢碗粉葛赤小豆扁豆煲豬骨湯，去濕又去骨火，老闆特別煲架，完全無味精，係愛心靚湯來架，好味到連湯料都食埋。鼓椒蒸黃立倉，條魚好新鮮，啖啖肉，蒸得時間剛剛好，啲魚質好滑，唔撈鼓油都好夠味。😋鼓椒炒蜆辣辣地好野味，啲蜆都算大隻，無沙，食得好安心。椒鹽鮮魷就當然無得輸啦，香脆既外面，鮮魷大大隻份量都好多，ichiban!👍蝦同樣地好新鮮，好大隻，超級鮮味。來華記，有品質保證，我話既😋👍話哂都食左好幾次先食食評架。