慶有餘 (已結業)

基本上老闆每次開會都一定要食住飯開，仲大多數會係哩間中菜到開，貪佢有房，環境好，又靜，啲野又好食。所以每次開會都係掛住食。琴晚又上去開食飯會，一嚟飲返碗老火湯先，青紅蘿蔔粟米湯，正！因為自從搬左出去獨居之後，好少有湯水飲，哩度既老火湯好呀媽風味。飲完湯之後，開始有啲熱。平時都只會覺得凍既我，竟然覺得熱，原來係因為佢地個冷氣壞壞地。不過餐廳經理都好窩心，即刻就拎把冷氣風扇入黎。真好！今次食左乜？食左荷葉蒸鷄，土魷肉餅，菜心炒牛肉！非常家常便飯，但真係好好味，好健康，因為明顯食到少油少鹽。我諗佢地真係連味精都冇落，至少我食飽飯之後，冇喪飲水。不過天氣咁熱，希望冷氣快啲整好啦～