潮家宴

營業中

休息中

今日老闆請食飯，潮州菜正呀。6個人老闆話事，叫咗個套餐。前菜兩少碟，花生同鹹菜。先嚟凍蟹，好多膏呀，蟹又鮮甜。然後滷水鵝拼盤，滷水汁味道啱啱好，鵝入晒味，豆腐先最正，仲有蛋同埋腩肉。雞燉翅，每一啖都係寶。炸蝦球蝦肉夠多，鬆軟彈牙。梅子馬友，魚好滑，梅子汁好鹹，所以配埋魚一齊食就啱啱好，鮮味提升呀。野菌桂花蚌炒蝦球，蝦球好大好鮮，桂花蚌爽口彈牙。芽菜炒牛肉，加埋沙嗲醬，牛肉真係好滑。春菜煲排骨，排骨大大嚿仲。糖醋麵又係好好食馬蹄露糖水好耐冇食，好有童年味道。整體來說，呢間都好正宗，唔知佢地有冇粿肉食嘅呢⋯⋯下次去問吓先。