影片
更多
2007-09-11
56 瀏覽
<唔好意思, 呢篇野會好長, 因為我地遇到差到無可再差既服務!!!>上星期五晚, 我同1位女性朋友大概7點坐低, 我地嗌左牛頸脊, 叉燒/奶黃水晶飽, 四寶丸, 油麥菜同埋帶子. 湯底係蕃茄牛腩. D 食物完全冇問題.但係到8點半個陣, 有個男侍應同我地講話有2個客9點訂左枱, 想我地幫忙係9點前交枱. 我地話我地訂位同埋坐低個時, 都冇人同我地講話要係指定時間內還枱, 最初佢都認係佢地唔岩, 我話我地會繼續食, 不過會盡量幫手. 之後, 佢地不斷做一D小動作來打擾我地, 成日問我地D野食仲要唔要(但係我地食剩唔少囉).大概9點, 個男侍應要求我地先埋單, 又重複話個2位客人已經等咗好耐, 我地同意埋咗張單先,不過我地強調會食完先走. 過咗一陣, 有個帶眼鏡沒著制服既男人走過黎,問我地要再食幾耐先走, 話咁樣佢先可以決定做唔做下一枱客, 我地話呢D係佢地的生意, 應該佢地決定. 佢話‘我地有個系統去估計客人D用餐時間, 我估你地應該2小時內食完, 你地2個鐘頭叫咗6碟野食, 好難俾我覺得你地有盡力囉!!’, 首先, 我地唔係一定要幫佢囉, 再者我地食得盡唔盡力關佢咩事
上星期五晚, 我同1位女性朋友大概7點坐低, 我地嗌左牛頸脊, 叉燒/奶黃水晶飽, 四寶丸, 油麥菜同埋帶子. 湯底係蕃茄牛腩. D 食物完全冇問題.
但係到8點半個陣, 有個男侍應同我地講話有2個客9點訂左枱, 想我地幫忙係9點前交枱. 我地話我地訂位同埋坐低個時, 都冇人同我地講話要係指定時間內還枱, 最初佢都認係佢地唔岩, 我話我地會繼續食, 不過會盡量幫手. 之後, 佢地不斷做一D小動作來打擾我地, 成日問我地D野食仲要唔要(但係我地食剩唔少囉).大概9點, 個男侍應要求我地先埋單, 又重複話個2位客人已經等咗好耐, 我地同意埋咗張單先,不過我地強調會食完先走.
過咗一陣, 有個帶眼鏡沒著制服既男人走過黎,問我地要再食幾耐先走, 話咁樣佢先可以決定做唔做下一枱客, 我地話呢D係佢地的生意, 應該佢地決定. 佢話‘我地有個系統去估計客人D用餐時間, 我估你地應該2小時內食完, 你地2個鐘頭叫咗6碟野食, 好難俾我覺得你地有盡力囉!!’, 首先, 我地唔係一定要幫佢囉, 再者我地食得盡唔盡力關佢咩事, 佢冇可能逼我地未食完就走. 我地嚐試同佢理論, 但他係佢完全唔聽, 佢有佢講話: ‘你地兩個女仔鍾意咁樣講, 我唔想浪費我D時間, 我將啲錢退番俾你地, 唔該你地離開!’我地話呢個唔係錢既問題, 佢完全當我地唱歌, 然後”格硬”将我地個鍋攞走. 我地極度極度極度極度之嬲, 我地要求同經理對話, 點知, 個女侍應話佢就係老闆!!!!! 簡直係難以置信!!!!
跟住個老闆就将張取消咗既信用卡單放係枱上, 個男侍應就即清埋我地張枱上我既食物. 我地深深不憤, 堅持坐咗大概20分鐘, 希望佢地比個交待我地, 但係佢地完全冇呢個打算. 當我地離開個陣, 對著個老闆講, ‘你咁樣完全唔係做生意’, 個老闆好晦氣咁講: ‘我預咗你地唔會返黎, 預咗你地會上網寫,你地已經唔係我地既客人, 你地走啦, 我地亦唔會再招呼你地!’
成件事上, 佢地一D歉意都冇, 個老闆恃住係唔憂冇生意做, 落手落腳趕客, 好荒謬囉!!! 黑面侍應見得多, 咁樣倒自己米既老闆我地都係第一次見!!!! 因為當時人已經係餐廳老闆, 我地已經投訴到某某機構!!!! 所有我地既朋友已經決定唔會去/再去謙記!!!!!!!
張貼