影片
更多
2010-01-15
20 瀏覽
要去高登買野, 咁都俾我撞正個電腦節... 迫到嘔泡.預左黎呢度, 做定功課試新野. 呢度好多較出名嘅美食都試過, 係小菜鋪冇乜點去(人少, 難叫野). 見近排容記小菜王評語麻麻.. 就去左有聽朋友講過下嘅德發小廚.小菜鋪有埋西式甜品, 早o係'灣仔金源'領教過. 黎得當然會試埋啦.兩個人, 叫得唔多.. 食左:1) 福建炒飯2) 大富大貴3) 啫啫油麥菜4) 避風塘茄子5) 梳乎厘6) 火焰芝士山大富大貴.. 我對佢期望頗高. 招牌野點可以失手架!? 當然, 一d 都冇令人失望. 起左肉嘅桂花魚, 時間更易掌握, 所以肉質非常嫩滑, 但又可以完全熟透. 當然, 其他魚好似石斑果d 就唔可以咁食啦, 因為魚味會流失比較多. 所以, 桂花起肉蒸係好好嘅選擇. 甜豉油配上金針雲耳. 好快就已經將佢毀屍滅跡喇. 通菜唔"當造", 老闆一路玩電腦, 一路話, "介紹你, 油麥菜啦!" 又好啦... 兩樣菜都係適合. 如其他食評所言, 黎到就"隊"碟炒好嘅菜入去. 好香蝦醬味. 幾好味. 不過, 我覺得食啫啫煲.. 都要係坐街邊大排檔, 放低兩支青島, 天氣凍凍地, 個煲吱吱聲, 特別好食咁~
預左黎呢度, 做定功課試新野. 呢度好多較出名嘅美食都試過, 係小菜鋪冇乜點去(人少, 難叫野). 見近排容記小菜王評語麻麻.. 就去左有聽朋友講過下嘅德發小廚.
小菜鋪有埋西式甜品, 早o係'灣仔金源'領教過. 黎得當然會試埋啦.
兩個人, 叫得唔多.. 食左:
1) 福建炒飯
2) 大富大貴
3) 啫啫油麥菜
4) 避風塘茄子
5) 梳乎厘
6) 火焰芝士山
大富大貴.. 我對佢期望頗高. 招牌野點可以失手架!? 當然, 一d 都冇令人失望. 起左肉嘅桂花魚, 時間更易掌握, 所以肉質非常嫩滑, 但又可以完全熟透. 當然, 其他魚好似石斑果d 就唔可以咁食啦, 因為魚味會流失比較多. 所以, 桂花起肉蒸係好好嘅選擇. 甜豉油配上金針雲耳. 好快就已經將佢毀屍滅跡喇.
通菜唔"當造", 老闆一路玩電腦, 一路話, "介紹你, 油麥菜啦!" 又好啦... 兩樣菜都係適合. 如其他食評所言, 黎到就"隊"碟炒好嘅菜入去. 好香蝦醬味. 幾好味. 不過, 我覺得食啫啫煲.. 都要係坐街邊大排檔, 放低兩支青島, 天氣凍凍地, 個煲吱吱聲, 特別好食咁~
叫左福建炒飯係因為見到有幾個食評講過話幾好味. 又憶起小時候, 每逢wkend 都同公公婆婆姨媽姨丈舅父舅母表兄弟一行成廿幾人去飲茶, 臨尾一定叫福建炒飯, 好懷念呢種情景. 呢度個福建炒飯都交足功課, 味道對辦. 不過, 食過咁多唔同地方嘅福建炒飯, 總覺得係酒樓先做到果種味道. 係因為大酒樓用多d 濕碎食材放入去(如蝦仁, 鴨粒, 瑤柱, 芥蘭, etc) 令佢好味d? 定係我已經俾兒時食過果種口味定左型呢?!
就係因為我坐個位對正牆上幅避風塘茄子, 望望下就忍唔住叫埋喇. 一片片薄薄的茄子頗香口. 脆漿略嫌太多. 金黃色的大部份是脆漿碎, 而非炸蒜粒, 辣椒, 等等.. 如多一點"避風塘", 更覺惹味. 個人喜歡煎鑲三寶那種厚切茄子, 外脆內滑, 層次感較豐富..
甜品時間到! 先食梳乎厘. 小小一個杯焗度成個面漲起黎. 大大個得黎又冇過火變燶. 師傅工夫了得. 吃落鬆鬆軟軟, 唯獨味道稍嫌淡口, 甜一點, 或加一點薑汁, 杏汁更好.
火焰山賣相麻麻. 老闆都話, "唔好啦, 叫心太軟啦" 可惜, 心太軟試得太多, NOBU, 小店, 師妹, 貴的平的都試過. 可以好好食, 但好少好難食. 反而火焰山考功夫得黎又少見. 所以一意孤行. 一開始都有D後悔, 但食落竟然另一回事! 驚喜嘅係入面加入類似芝士Mousse. 原來好夾! 不錯錯~~
埋單走人, 避風塘茄子食唔哂包走. 但最後竟然走果時問佢, 佢話唔小心掉左 !! 我食左兩三件咋 !! 不過個老闆 so far service 都好好, 幾啱傾又見連老細都 sorry 左, 都唔想篤爆我係叫邊個打包架喇 (我知邊個架, 佢仲問, 真係要打包?! ). 臨走老細話, "得啦, 我記住你啦, 左手食飯架嘛?! 下次你黎, 燉定個雞湯送返俾你!"
p.s. 老闆, 放心. 德發小廚我一定會再拜訪. 只係唔慣食完冇耐又食同一間餐廳. 我昅到你有睇開 forum, 冇理由唔睇 openrice 嘅. 我好快會call 齊馬, 上黎一次過試埋你其他撚手小菜!!
張貼
