民華餐廳

營業中

休息中

又黎食啦！經常爆場，今次好好彩有卡座，吾洗甘逼夾。幫我地點餐既男店員幾有笑容，仲好有禮貌，快餐店做到好態度，好難得。我就例牌會食【西多士】$20，黎呢到都系為左佢或者蕃茄通。厚厚既西多士炸到金黃且乾身吾滴油，外脆內軟，蛋香濃郁，配煉奶更香。【鮮茄牛肉通粉+餐肉炒蛋+即烘牛油多士】$46經我強烈推介茄牛通，朋友試左都話好正，牛肉吾多，不過個湯底好濃郁好足料。【秘製豬軟骨飯】$49豬軟骨肉質好軟腍，入哂滷水味，軟骨位有膠質黏稠既口感，菜心浸入滷水汁幾好食，不過就得1條。飯稍為濕潤左D，呢個位扣左分有D可惜。