影片
更多
2019-08-13
200 瀏覽
阿肥火鍋位於尖東漆咸道南，即係尖東廣場或百週年紀念花園對面，相當容易搵到餐廳以五六十年代香港風情作為主題，一入門口至梯間已經感受到懷舊風情。正門掛著一對紅色雞蛋燈作為裝飾。現今嘅新式街市大多以長長燈管作設備，紅色雞蛋燈已經好少見。進入梯間會見到一啲相信係舊年代嘅報紙廣告，例如樓盤、餐廳、飲品類。鐘意懷舊事物嘅我真係被吸引住，企係度睇咗一陣餐廳內部地下以至各式擺設都完全按照劇本散發一種老香港味道。例如 : 階磚係用懷舊啡色款，諗起小時候住係舊屋邨時嫲嫲屋企都係用呢款階磚。又例如係雜物櫃上都放咗好多舊式玻璃內膽嘅保溫熱水壺，相信依家年代嘅人都未見識過。仲有食客所用嘅碗係用公雞碗，餐廳背景音樂都係播住耳熟能詳嘅粵語歌曲。講返食物先湯底都有十四款，可惜同行朋友口味比較偏，好多款都興趣不大，最後揀咗金腿大蜆走地雞冬瓜盅。火鍋就揀咗阿肥牛皇拼盤、門鱔炸魚皮、四寶丸、濃家黑鮮腐竹同埋少量蔬菜。湯底可以揀一隻雞同半隻雞，我哋得兩個人所以半隻雞就夠。雞肉出奇地非常嫩滑，而湯底清淡中帶鮮味，睇黎大蜆同金華火腿有唔少功勞。冬瓜亦都異常地鮮甜，都未食火鍋料都已經清咗鍋底一大半。門鱔炸魚皮係菜單入面標明係有骨，
餐廳以五六十年代香港風情作為主題，一入門口至梯間已經感受到懷舊風情。
正門掛著一對紅色雞蛋燈作為裝飾。現今嘅新式街市大多以長長燈管作設備，紅色雞蛋燈已經好少見。
進入梯間會見到一啲相信係舊年代嘅報紙廣告，例如樓盤、餐廳、飲品類。
鐘意懷舊事物嘅我真係被吸引住，企係度睇咗一陣
餐廳內部地下以至各式擺設都完全按照劇本散發一種老香港味道。
例如 : 階磚係用懷舊啡色款，諗起小時候住係舊屋邨時嫲嫲屋企都係用呢款階磚。
又例如係雜物櫃上都放咗好多舊式玻璃內膽嘅保溫熱水壺，相信依家年代嘅人都未見識過。
仲有食客所用嘅碗係用公雞碗，餐廳背景音樂都係播住耳熟能詳嘅粵語歌曲。
講返食物先
湯底都有十四款，可惜同行朋友口味比較偏，好多款都興趣不大，最後揀咗金腿大蜆走地雞冬瓜盅。
火鍋就揀咗阿肥牛皇拼盤、門鱔炸魚皮、四寶丸、濃家黑鮮腐竹同埋少量蔬菜。
湯底可以揀一隻雞同半隻雞，我哋得兩個人所以半隻雞就夠。
雞肉出奇地非常嫩滑，而湯底清淡中帶鮮味，睇黎大蜆同金華火腿有唔少功勞。
冬瓜亦都異常地鮮甜，都未食火鍋料都已經清咗鍋底一大半。
門鱔炸魚皮係菜單入面標明係有骨，但魚骨都炸得非常脆身容易入口，而魚皮本身亦比一般嘅炸魚皮厚身有質感，加上係新鮮炸起，就算浸落湯都仍然保持到脆口。
四寶丸係手打鮮蝦丸、墨魚丸、牛肉丸同黑豚肉丸。手打丸真係無得輸嘅，款款都咁好食，餡料新鮮彈牙而保留肉汁，完全唔洗點任何醬汁。
濃家黑鮮腐竹就其實同一般鮮腐竹無太大分別，同樣係有濃濃豆香味，索滿鮮味湯底真係好食到我哋再叫多咗一碟。
而壓軸出場嘅阿肥牛皇拼盤就包括咗手切肥牛、安格斯牛肉、牛柳粒同埋黑牛柏葉。
成碟牛簡直係超班馬嘅水準，手切肥牛入口即溶，安格斯牛肉充滿牛味帶有質感，牛柳粒帶有滿滿牛脂甘香又唔會難咀嚼，黑牛柏葉滾至軟身仍然非常爽口。
如果唔係我中午個餐只係食咗好少嘢嘅話，今餐都爭啲清唔到枱。
聞到隔離枱食麻辣湯底真係流哂口水，下次約埋一班朋友再黎懷舊下先！
濃家黑鮮腐竹
6 瀏覽
0 讚好
0 留言
金腿大蜆走地雞冬瓜盅
5 瀏覽
0 讚好
0 留言
阿肥牛皇拼盤
10 瀏覽
0 讚好
0 留言
門鱔炸魚皮
7 瀏覽
0 讚好
0 留言
張貼
