瑞記咖啡

營業中

休息中

係上環遠近馳名既瑞記,我終於黎到,等位人數唔多,大約等左10分鐘就入左一個好簡單既MENU,但MENU上面有啲油,搞到隻手好污糟瑞記咖啡@上環蛋牛包(6.5/10)($13)瑞記既蛋牛包係用熱狗包燙一燙後夾住蔥粒牛肉炒蛋,蔥油滲入麵包裡,牛肉加上炒蛋咸咸地,真係好吸引!簡簡單單就已經好好味!好似去左以前既咖啡室咁。瑞記咖啡@上環枝裝奶茶(7.5/10)($11)香港已經好少會用枝裝黎沖奶茶,好處係唔會有冰令奶茶變淡,而且咁樣飲特別有風味。呢到既奶茶味道非常唔錯,超香茶味,而且入口超順滑,奶味同茶味唔會互相掩蓋對方,仲唔會太甜,真係好飲!當然,用枝裝就唔會有得叫少甜,少冰之類,但其實本身既奶茶味已經好好飲。瑞記咖啡@上環西多士(7.5/10)($22)西多士係呢到最出名既食物。瑞記西多係比較健康,因為佢唔係直接炸,而係拎去煎。瑞記既西多係直接沾上蛋漿,唔係好似出面既西多沾麵包糠黎煎,超香蛋味,好正。而佢煎好後,就只會淋上煉奶,同樣簡簡單單既西多,就已經非常好味。