影片
更多
2009-09-06
8 瀏覽
見雜誌同食評都幾好，但係始終要經過自己把口試試先，今晚有時間，晏晝打去順利book位。餐廳位於銅鑼灣世貿中心，上到去，一邊係髮型屋，一邊就係呢間連個名都有個"氣"字嘅人氣日本料理 - At Corner，原來兩間店舖份屬同一集團 HEA Place。餐廳坐位唔算好多，枱與枱之空間都唔算闊落，以深色格調為住，但係又唔算係浪漫，賣點係有個由兩棟大廈之間望出去嘅維港夜景，又唔可以話係全海景，始終比怡東酒店低一班，但係始終都係唔同級數，唔可以相題並論。講返坐位，唔知係咪有訂枱嘅關係，佢地比咗張四人卡位比我地，私人空間十足，但係設計想有少少不足之處。首先，坐椅好直，佢已經好醒目預先擺放咗四個 cushion，如果冇咗個cushion，你會覺得背部坐得比支筆還要直，但係個cushion又唔足以覆蓋你整個背部，而且你嘅pat pat可以坐在櫈上嘅位置淺咗短咗，搞到兩頭唔到岸，真係唔知佢地設計嘅原意想點。再者，設計主調已經黑沈沈，仲要兩盞射燈只可以夠照一邊嘅兩個座位，咁叻一邊呢，可以係連睇menu都有困難。餐牌賣嘅九成主要都係傳統日本料理，但係甜品又加有好多款西式甜品，例如有Cream Brulee,
餐廳坐位唔算好多，枱與枱之空間都唔算闊落，以深色格調為住，但係又唔算係浪漫，賣點係有個由兩棟大廈之間望出去嘅維港夜景，又唔可以話係全海景，始終比怡東酒店低一班，但係始終都係唔同級數，唔可以相題並論。
講返坐位，唔知係咪有訂枱嘅關係，佢地比咗張四人卡位比我地，私人空間十足，但係設計想有少少不足之處。首先，坐椅好直，佢已經好醒目預先擺放咗四個 cushion，如果冇咗個cushion，你會覺得背部坐得比支筆還要直，但係個cushion又唔足以覆蓋你整個背部，而且你嘅pat pat可以坐在櫈上嘅位置淺咗短咗，搞到兩頭唔到岸，真係唔知佢地設計嘅原意想點。再者，設計主調已經黑沈沈，仲要兩盞射燈只可以夠照一邊嘅兩個座位，咁叻一邊呢，可以係連睇menu都有困難。
餐牌賣嘅九成主要都係傳統日本料理，但係甜品又加有好多款西式甜品，例如有Cream Brulee, Cheesecake, 心太軟，都幾奇怪架。而且佢地嘅刺身嘅溢價都頗高嘅，喺咁嘅地方，一片三文魚刺身定價$22，平均一片普通款式刺身賣$25，一盤有七款各兩片嘅刺身拼盤要$388，價錢都幾嚇人架。
食物方面：
1. 日式煮花螺 $58 - 中國用辣酒煮大家就食得多，用Sake去煮我就第一次食，首先係凍食，一啲都發輝唔到酒嘅香味，直頭可以話係一啲酒味都感覺唔到，質地仲要頗實，應該係因為落咗酒去煮之後仲要整凍佢，導致啲用實到失去彈性，呢種咁嘅處理方法我就一啲都唔識欣賞 ; 仲要上完道菜，餐具又欠奉，好在一叫侍應，應刻第一時間醒目地拎嚟，但係竟然係比支用嚟食大閘蟹嘅鐵叉，都有啲搞笑，搞到我地成日就住就住，一啲都唔方便。
2. 法國鵝肝雜菌炒飯 $58 - 用上日本珍珠米，但係忘記咗炒飯基本條件，要炒至乾身，呢點廚子辦唔到，跟住佢嘅鵝肝細粒得很，亦炒到老哂，食落口根本感覺唔到原本應該香濃嘅鵝肝味失蹤咗，雜菌味就不提也罷。
3. 雜錦天婦羅 $98 - 賣相ok，但食落就知出事，脆槳有點兒厚，而且導致食到中途，碟餸開始凍，脆槳即時變得好硬，食落口會整損口腔。用料有蝦、魚、蕃薯、茄子、鮮菇等，大部份都冇問題，但係主打嘅三隻蝦就炸得過火咗，每一隻嘅肉都又老又實，就隻蝦而言，小公主話差不多係佢食過中偏差嘅一次，大家可想而知，情況有幾嚴重。
4. 串燒 (雞軟骨 $16/串 + 牛舌 $28) - 連串燒都預上同一情況，就係燒得太乾，其實未食已經見得到表面燒到乾哂，食落口即時感覺到一陣燒乾表面嘅味道 ; 牛舌就切得太薄，雖然燒得唔錯，起碼入面仍然juicy，但係又預到另一情況，就係肉質頗實，可能係肉料唔夠好嘅關係，所以話佢地定價係偏高嘅。
5. 心 太 軟 $68 - 一上枱，賣相幾好，但係碟面好細，感覺啲食物好似好迫夾，朱古力蛋糕唔鬆軟，值得讚賞嘅係但入面嘅朱古力槳仍然係暖而且可以流動嘅，雪糕係用匙羹裝住，不過點解要咁做呢，應該係因為佢地驚雪糕太凍會整凍個朱古力蛋糕，而且支匙羹係雪凍咗，個雪糕就唔會咁易溶啦，但係點解廚師唔索性轉用大啲嘅碟，咁情況就可以輕易解決啦。
Comments: 我地今餐已經冇叫佢地嘅刺身，佢地份量亦唔算大，又冇飲酒，但係都要咁嘅價錢，抵食就唔見得 ; 服務同環境方面都幾好嘅，但食物方面主要係又老又實，味道還可以，但烹調技巧就有待改善。嚟得呢間餐廳，就唔好對佢嘅食物存有太大奇望，反而應將重點放落佢嘅景觀，咁我諗大家會食得舒服啲。
張貼
