影片
更多
2017-02-02
1567 瀏覽
上星期面臨韓文Oral 考試，加上有些家事需處理，心情真係好緊張。於是到屋企附近 CJ Cafe 食好東西，點左個漢堡 + 湯 + 飲品 + 甜品，補充能量，再上路考試。Cafe 比想像中大，我初時以為得2-3個位。環境都幾舒服，有自然火透入餐廳，用餐時心情都開朗D，睇黎下次約多幾個朋友都冇問題啦！ 忌廉蘑菇湯 味道比較清淡，蘑菇量算多，如果口感可以做得濃厚少少就好啦。黑松露芝士牛肉漢堡 配 薯條 真心想講岩岩炸出黎嘅粗薯，外脆內軟，表面有少少鹽花增添風味，幾時都咁吸引！我有少少估唔到漢堡會選用牛角包，都真係好驚喜。漢堡目測都有寸厚，多汁鬆軟，唔錯！入面配上酸瓜、蕃茄、生菜，令成個包冇咁heavy!特別想講酸瓜夠酸夠脆，好醒胃！藍蝶水晶西柚特飲 一直都想飲有關於藍蝶系列嘅飲品，印象中馬鞍山只有呢度先有。特飲紫色漸變真係好靚，加入西柚汁酸酸地，好清新。法式焦糖燉蛋 呢個甜品外冷內熱，蛋味濃郁，入面燉蛋口感好順滑，加埋上面脆卜卜焦糖，真係好滿足。---------------------------CJ Cafe馬鞍山鞍駿街33號馬鞍山游泳池餐廳
於是到屋企附近 CJ Cafe 食好東西，點左個漢堡 + 湯 + 飲品 + 甜品，補充能量，再上路考試。
Cafe 比想像中大，我初時以為得2-3個位。環境都幾舒服，有自然火透入餐廳，用餐時心情都開朗D，睇黎下次約多幾個朋友都冇問題啦！
忌廉蘑菇湯
味道比較清淡，蘑菇量算多，如果口感可以做得濃厚少少就好啦。黑松露芝士牛肉漢堡 配 薯條
真心想講岩岩炸出黎嘅粗薯，外脆內軟，表面有少少鹽花增添風味，幾時都咁吸引！
我有少少估唔到漢堡會選用牛角包，都真係好驚喜。
漢堡目測都有寸厚，多汁鬆軟，唔錯！
入面配上酸瓜、蕃茄、生菜，令成個包冇咁heavy!
特別想講酸瓜夠酸夠脆，好醒胃！
藍蝶水晶西柚特飲
一直都想飲有關於藍蝶系列嘅飲品，印象中馬鞍山只有呢度先有。
特飲紫色漸變真係好靚，加入西柚汁酸酸地，好清新。
法式焦糖燉蛋
呢個甜品外冷內熱，蛋味濃郁，入面燉蛋口感好順滑，加埋上面脆卜卜焦糖，真係好滿足。
---------------------------
CJ Cafe
馬鞍山鞍駿街33號馬鞍山游泳池餐廳
張貼
