CJ Cafe (已結業)

個FD上次話馬鞍山游泳池旁邊有間西餐唔錯所以夜晚去試下,睇睇個餐牌都幾多野食一個人唔知食咩好就叫左個沙津同黑椒西冷5成熟。個沙津D菜同好新鮮 D煙三文魚包到成個花咁非常靚 食落都好好味。西冷扒我叫5成但出黎都有6,7成,不過都OK既 個人覺得唔洗咁熟我都係鐘意食5成拎上枱時仲保有牛的肉汁牛肉軟身亦不會多根，可能我好彩，塊排的脂肪分佈得好平均，所以啖啖都好juice。 不過個意粉就有少少失望 因為個意粉乜味。但個蕃茄同個黑椒汁就好有水準。個芝士炸雞，芝士和雞肉非常夾雞肉嫩滑多汁，真心係好食嘅，芝士非常香口而且經過烤一烤， 肉嫩滑juicy, 皮脆香脆但唔乾,雞翼皮脆個身竟然都可以咁嫩口，好滑身，非常好！芝士味幾特別幾香口，好新鮮配搭。仲份量好多TIM個湯黎到我個人覺得淡左少少,但個包就好鬆軟。洋蔥汁肉眼6成熟, 都幾大塊幾厚身個汁都唔錯意粉都幾好味。如果下次黎我會食埋另外果幾種炸雞。 

難得有朋友黎馬鞍山搵我食飯，要搵間坐得耐，環境又好嘅，係美食沙漠真係唔易搵～醒起之前有人介紹過泳池隔離有間餐廳，環境好似唔錯，就一於同朋友去試下～我哋星期五晚去食，唔算好多人，但真係好正，難得有個地方可以靜靜地同朋友傾計，又冇用餐時限！最緊要地方夠大，每張枱都有距離，唔會聽到隔離講緊咩，保持私隱度～玻璃出面就係泳池，唔知係咪單面反光嘅呢？如果唔係，游水嘅人都好似有啲尷尬😝講到食物，味道真係唔算好好，但份量夠哂～我哋叫咗兩個餐，首先黎咗個餐湯先。羅宋湯好似用茄膏加罐頭湯就咁溝出黎，唔知係咪落多咗糖，味道偏甜。朋友嗌咗個黑松露海鮮焗飯，但個黑松露汁完全無鹹味，得陣黑松露味，唔通無落鹽？最後朋友都食唔落😶依個就係我叫嘅燒春雞配黑松露意大利飯，今次個飯就唔錯，仲有半隻春雞係飯上面，真係好大份～不過可能燒得耐咗少少，啲雞肉都有啲鞋，最後都係食唔哂。仲有兩杯餐飲就正常質素，最後我哋仲嗌咗兩個甜品，一個焦糖燉蛋，一個芝士蛋糕，不過唔記得影相。芝士蛋糕份量有啲細，芝士味唔濃；但焦糖燉蛋就唔錯～整體黎講，食物質素一般，但環境的確唔錯，服務亦ok，所以有機會都會考慮再黎～

沙律賣相吸引，煙三文魚加新鮮青蘋果和蔬菜，配酸甜油醋汁，口味清新，價錢$48元。加$18可有是日餐湯及熱飲一杯。餐廳位於泳池旁，而裝修以簡約在主，坐位舒適，餐廳內播著輕快的英文歌，感覺悠閒捨意，下午茶不錯的選擇。

今日試左呢間餐廳，諗住喺呢區排名都幾高，點知完全係中晒伏！我叫左2個餐，再加份薯仔沙律。薯仔沙律份量唔少，我諗都有成個薯仔。不過味道好一般，切得太大粒，沾得好少醬，有煙肉嘅咸味，冇沙律味⋯跟餐有個牛角包，佢冇呃你㗎，佢唔係一個牛角酥，所以唔好期望會有一層層嘅酥皮，佢只剩返最深底果層包。餐湯係南瓜湯，正正常常普通貨，係衰在有好多一pat pat嘅cream/粉。黎到主菜喇，叫左個肉眼扒，我叫5成熟，結果黎左塊煎得好唔平均嘅扒俾我⋯重點係呢塊扒起碼8成熟，其中一邊更加係全熟。我唔想浪費食物，所以都照樣食左佢，不過大廚真係要惡補一下，通常去d街坊餐廳，叫5成變7成都算，差唔多全熟真係好過份。諗住扒類失手，意粉應該ok喇，點知呢個先係最伏！呢個意粉帶住淡淡嘅羅勒清香～冇錯呀！真係淡淡！呢個意粉係冇味㗎！我諗除左果少量嘅羅勒醬，大廚真係連鹽都冇落！蝦又用雪藏蝦，加上冇調味，我咬落去時完全唔知自己食緊乜⋯結論係，唔會有下次！

炎炎夏日去游水曬太陽，其實可以去馬鞍山泳池，而開飯都可以係泳池附近。間嘢仲可以望到泳池裡面的。有十多種午餐，結果叫咗份十安士六成熟嘅肉眼扒，跟湯同凍飲盛惠150蚊。湯其實真係麻麻，有尐稀又無乜味咁，不過總好過無。凍咖啡就真係估佢唔到啦，又幾有啡味，呢個扺讚。主菜六成熟牛扒係落單不足十分鐘內就可以上枱，絶對係光速煮食，又諗住咁快有得食，肯L定一切開件扒就成碟肉汁，結果又無喎，仲原全鎖得死尐肉汁兼做到六成熟嘅肉質。係食落有小小炭味，又有小小𡁻頭，又有小小牛味，同埋有尐涼。就係夾夾埋埋晒以上之後就變成「唔係太好」。

朋友介紹係泳池邊食扒!早知就叫埋女啦！個環境真係幾特別幾正喎！個餐湯勁多蜆肉係足料好正啊！包係牛角包！又暖又鬆化！一入口仲有好香既牛油味！用個包點下湯都幾好飲！仲有叫左個西冷牛扒！一見到已經好開心啦！因為好大塊啊！正啊！牛肉好嫩滑啊！外層又烤到好香！入面岩岩好！成舊都樂好食！仲有個牛油果雞絲沙律！其實都唔係雞絲！係一條條雞肉！好似雞扒咁！雞肉好食啊！香又多汁！牛油果勁滑勁香啊！叫左個荔枝藍蝶！你最呃讚既漸變！個荔枝味好夠味！又有粒粒啫喱係入面！正！

原來馬鞍山泳池側邊有間好好味的餐廳。今日同兵仔出街先知咁好味。肉眼扒個口感好彈牙。份量多，貓貓食左一啖，食到個牛肉既甜味，因為貓貓鍾意七成熟，order左七成，真係整得好靚，真係七成。肉質中間少紅色，食落真鮮甜味好正，貓貓食到濕左個嘴。黑椒汁配牛扒，貓貓最愛，超級好味。薯條炸得夠脆，通常厚切薯條要炸得脆要一定功夫，薯條真係整得出邊香脆入邊鬆軟。餐湯都落足重料，一撈見到好多峴肉，重要係大大個既峴肉，峴肉整得好彈牙，唔會太老，好好味既湯！牛角包出黎都仲係好熱，好鬆軟，牛油香味濃，超級好食，貓貓好少對間餐廳讚不絕口，因為真係太好食。原來泳池側邊有間高質素既西餐廳，真係無黎錯。

坐下即有侍應遞上餐牌，我們叫了一個小食、一個焗飯&一個天使麵。佢哋嘅周打蜆湯，真係好正好鮮味，又好多材料、又多蜆。急住飲，忘記拍照！店內的侍應生，全是後生仔，態度有禮親切，反應快，一舉手等一陣已即時過來幫我們下單，大部份員工都好好笑容，這我覺得最surprised 的，響食肆已經很少見到。

入坐:安排我坐門口，我1人就要求坐高枱，待應無比反自行埋去坐(其他講態度友善完全不同)點菜時間:15分鐘，其間叫過3個女待應，A同B講，無人來，B 同C講無人來，D應了去了傳菜沒回來。最後由一位由一位男待應落單，但真心感受不到其他review的態度友善，但起碼他有立刻應要求比杯水我燒牛肉沙律($78) 中價。沙律新鮮的，配黑醋醬還不錯，但個燒牛肉是從雪櫃拿出來就直接放上沙律上，而且肉用發粉醃到“梅”左。以價錢，起碼塊牛肉不應該係咁雪同梅另叫了杯白杯($50)，在此類cafe無要求，正常白酒一杯

平日都會係馬鞍山出入，但同事唔講，我都唔知道原來游泳池隔離有間cafe，今一放工後就去一探究竟。估唔到cafe環境咁大，食客以黎泳池游水嘅一家大細為主，氣氛休閑，果然別有洞天。CJ太雲焗茄汁豬扒飯 $78焗豬扒飯上面有舊雲同太陽都係第一次見，望落有啲似疏乎厘，其實係蛋黃同蛋白，賣相咁得意，食嘅時候心情都開朗啲。講返個豬扒飯，份量一啲都唔少，番茄汁偏酸，男朋友話開胃又抵食。點餐附送餐湯扒帶子墨魚忌廉汁意粉 $88碟意粉都有驚喜，估唔到墨魚忌廉汁味道咁濃，而且意粉煮得剛剛好，偏硬身，係我最鍾意嘅口感，值得推介。圓肉薏米綠茶$18、凍奶茶$16兩杯皆對板，睇黎飲品大多可以放心點。最後加多個法式焦糖燉蛋（跟餐+$18），有掌心咁大，焦糖燒得卜卜脆，甜度剛好，為呢一餐完滿作結。

今日同阿女踏單車，在馬𩣑山呢個美食沙漠尋食，諗起泳池旁的cafe,就試一試。Menu 食品種類算多，叫左個：1）焗肉醬意粉: 有少量肉醬但沒有味道，份量ok，但唔好食，我2個女食左一啖都唔再食。2）三文魚露荀濶面: 三文魚細片而量少，汁好水，面少，但算係最好食的一味。3）焗豬扒飯：茄汁唔好食，似會飯的汁，豬扒得幾條，炒飯底無味4) 龍蝦汁海鮮天使面: 一上枱時我與老婆對望，因為大家以為D龍蝦汁另上，睇唔到有汁，天使面一眼望到就知煮過龍，海鮮（大蝦2隻，發漲尤魚一隻，幾隻的蜆仔)全部白烚，賣相認真麻麻，我老婆食左几啖又唔食。5) 柚子炸雞：黎到諗住無死，柚子汁見到都想食，但食左3隻都唔熟食到唔飽，唔湯唔水，早知出石門食M記啦。呢個價錢唔值

本人上星期到CJ Cafe進餐😊 由於聽說餐廳食西餐的環境吾錯, 所以專登留肚去食, 結果帶著無比的失望離開。。。😭 首先上禮拜去到餐廳坐底幾分鐘 發覺一半的待應都坐左係高枱偷懶玩緊手機 但佢地一直無理過我們(無Menu,無杯水) 之後揮手叫其中一個過來 佢走過來竟然問我食咩!!! 我簡直想......👊🏻 直到之後我拎到Menu 然後點左焗芝士肉醬意粉 等待時間大約15分鐘 我心諗都吾緊要 (可能因為焗 時間比較長)，之後待應終於上菜😭 但我望住碟焗芝士肉醬意粉Ooooo哂嘴 完全吾對路！！！因為碟意粉好明顯完全不是焗出來的 通常焗的話會連住熱碟一齊上枱的 而呢個係放係普通碟上👎🏻但係最大問題竟然係... 碟意粉竟然係完全無芝士 (焗芝士肉醬意粉)😱😱😱😱😱😱之後我同服務員反映 佢哋既回覆竟然係 餐廳無賣肉醬意粉 我之後比餐牌佢睇 佢馬上無嘢好講！最後就換過另一碟比我...唉 味道是苦的 (可能由於煮好一段時間又拎去焗左好耐)總結: 沒有下一次，食物質素吾掂 但更重要係大部份員工係無帶嗰腦返工既

星期一下午茶時間 原先想去 casa cafe 去到發現 mon off So sad唯有轉去近近地呢間泳池餐廳啦之前聽過朋友劣評所以都無食過 遠景 望埋去係幾relax發現佢都 tue off 我叫左T1 薯餅煙三文魚牛角包配沙律 加配西柚冰茶友人叫lunch menu 牛扒薯條 凍圓肉薏米佢想叫走冰但侍應不停只係講只可以少冰咁算啦 唯有之後叫佢拎多個杯 倒走d 冰餐來了柚子冰茶係幾舊大大舊既柚仲要連皮 感覺麻麻飲落苦得黎又淡味 沙律係菜同幾舊青蘋果 加埋沙律醬 食落都ok牛角包入面有薯餅同蕃茄牛角包都夠酥 唔會太油友人既牛扒 食落都夠淋 黑椒汁唔太辣薯條係加左辣粉既怕食辣或小朋友就要留意下呢個牛扒印象中大概6、70蚊左右悠閒 閒日黎都唔錯既食物都ok但飲品唔掂假日如果人多就算吧啦唔值得等

是日再次光顧位於馬鞍山公園旁既呢間餐廳，人流比較少，唔需要等位之餘仲可以選擇自己鐘意既位置。我坐喺窗旁可以見到泳池仲見到窗上貼左小小字句，寫住：Life is full of joy and happiness好多時因為繁忙既工作、急促既生活步伐，而令人遺忘左身邊的美好事物。呢度一間遠離繁囂既餐廳，望住泳池同藍天美景，可以讓人盡情放空～附近既公園環境都好優美，行多兩步就係海邊步道，眼前既慢活都係生活中既joy and happiness阿～田園野菌炒意粉 $38揀左一款素食意粉，間唔中食多啲菜同纖維落肚，減輕吓腸胃負擔，身體都感覺良好啲。雖然係炒意粉，但無落過多既油。而且有青紅椒同露筍，增加爽脆口感。味道比較清淡，無太多既調味。芝士肉醬薯蓉配牛角包 $38肉醬好稀，肉碎份量少，以汁居多。薯蓉只有一球，感覺唔似係現打既薯蓉，因為無咩薯味同質感。牛角包係烘熱左既，點住醬汁黎食。呢客食物質素一般，唔推薦。蘆薈柚子蜜跟餐既飲品款式好多，呢個蘆薈柚子蜜係唔洗額外加錢的～呢方面抵讚一上桌就聞到柚子蜜既清香，入面仲有粒粒蘆薈肉，甜度適中結帳時仲見到有外借雨傘服務～呢間店真係好貼心阿下午茶餐餐牌

上星期面臨韓文Oral 考試，加上有些家事需處理，心情真係好緊張。於是到屋企附近 CJ Cafe 食好東西，點左個漢堡 + 湯 + 飲品 + 甜品，補充能量，再上路考試。Cafe 比想像中大，我初時以為得2-3個位。環境都幾舒服，有自然火透入餐廳，用餐時心情都開朗D，睇黎下次約多幾個朋友都冇問題啦！ 忌廉蘑菇湯 味道比較清淡，蘑菇量算多，如果口感可以做得濃厚少少就好啦。黑松露芝士牛肉漢堡 配 薯條 真心想講岩岩炸出黎嘅粗薯，外脆內軟，表面有少少鹽花增添風味，幾時都咁吸引！我有少少估唔到漢堡會選用牛角包，都真係好驚喜。漢堡目測都有寸厚，多汁鬆軟，唔錯！入面配上酸瓜、蕃茄、生菜，令成個包冇咁heavy!特別想講酸瓜夠酸夠脆，好醒胃！藍蝶水晶西柚特飲 一直都想飲有關於藍蝶系列嘅飲品，印象中馬鞍山只有呢度先有。特飲紫色漸變真係好靚，加入西柚汁酸酸地，好清新。法式焦糖燉蛋 呢個甜品外冷內熱，蛋味濃郁，入面燉蛋口感好順滑，加埋上面脆卜卜焦糖，真係好滿足。---------------------------CJ Cafe馬鞍山鞍駿街33號馬鞍山游泳池餐廳