好德來小籠包店 (已結業)

今晚放工約左人係佐敦整D野，好快速整完，見時間尚早，隨即沖嚟呢度食個晚飯（因為晏D會滿晒座架）。佐敦地鐵站穿過好耐歷史既恆豐中心就嚟到，坐底左後職員立即放底左大大隻字既牌，寫住最底消費，well，白紙黑字寫明，其實叫碗麵，加杯野飲過晒有餘囉。一如以往，我都係食排骨湯麵，今次加多左鍋貼（一客三隻），另外飲熱茶（2蚊茶錢），每次食呢個排骨都係大大件，厚炸，而且仲有肉汁，湯麵分開上，湯麵係比較淡口既，至於鍋貼，煎到個底好脆，明顯煎既時候好足夠，熱茶係茉莉茶味（我覺得）。