影片
更多
2017-06-07
123 瀏覽
啱啱由日本返黎香港一星期，對日本啲野食仲係念念不忘。最遺憾係去左日本五日，竟然一餐浜燒都冇食過，返到黎即刻要去食返餐補數先得！黎到諾士佛臺，勁多野食揀囉，但我一心要食浜燒，係冇野可以阻到我嘅！上到九井水產，見到裝修都幾新淨，又配合日本野食嘅格局，地方都好寬敞。打開餐牌，見到個二人前嘅浜燒，有活鮑魚，北海道帆立貝，日本活蠔，鱈場蟹腳，活日本白貝，珍寶大老虎蝦，好豐富呀！最正係送埋一個蟹肉蟹膏甲羅燒。一個點夠我同朋友分呀，即刻用星期一嘅六時後優惠，就係以28蚊加多一個。咁先公平呀嗎！成盤海鮮拎到黎，簡直就聞到啲海水味，好鮮新，份量又十足！九井嘅獨特之處就係會幫客人燒埋啲海鮮，啱曬我地兩個懶人。咁樣我地可以繞埋雙手等食，啲衫又唔會成陣味。不過如果你想自己試燒下，可以向服務員提出要求，佢地會俾客人自己我動手！首先黎嘅係蟹肉蟹膏甲羅燒，始終專業啫係專業，燒到啱啱好，加埋隻鵪春蛋，令啲蟹肉蟹膏更滑。上枱時仲有梳打餅夾住食，真係好香好夾！跟住鱈場蟹腳又啖啖肉，有少少海水咸味，更覺鮮甜！另外日本活蠔好肥美，應該加左少少sake去燒，所以食落仲好juicy 同有酒香！活鮑魚就唔算太突出，只係新鮮而已！北
黎到諾士佛臺，勁多野食揀囉，但我一心要食浜燒，係冇野可以阻到我嘅！上到九井水產，見到裝修都幾新淨，又配合日本野食嘅格局，地方都好寬敞。
打開餐牌，見到個二人前嘅浜燒，有活鮑魚，北海道帆立貝，日本活蠔，鱈場蟹腳，活日本白貝，珍寶大老虎蝦，好豐富呀！最正係送埋一個蟹肉蟹膏甲羅燒。一個點夠我同朋友分呀，即刻用星期一嘅六時後優惠，就係以28蚊加多一個。咁先公平呀嗎！
成盤海鮮拎到黎，簡直就聞到啲海水味，好鮮新，份量又十足！九井嘅獨特之處就係會幫客人燒埋啲海鮮，啱曬我地兩個懶人。咁樣我地可以繞埋雙手等食，啲衫又唔會成陣味。不過如果你想自己試燒下，可以向服務員提出要求，佢地會俾客人自己我動手！
首先黎嘅係蟹肉蟹膏甲羅燒，始終專業啫係專業，燒到啱啱好，加埋隻鵪春蛋，令啲蟹肉蟹膏更滑。上枱時仲有梳打餅夾住食，真係好香好夾！
跟住鱈場蟹腳又啖啖肉，有少少海水咸味，更覺鮮甜！另外日本活蠔好肥美，應該加左少少sake去燒，所以食落仲好juicy 同有酒香！
活鮑魚就唔算太突出，只係新鮮而已！北海道帆立貝嘅肉就超厚，非常甜美呀！活日本白貝我就完全唔知係乜，類似大蜆咁，但原來都好厚肉，意想不到嘅好味！
最後有一隻珍寶大老虎蝦，啲肉好爽好彈牙，朋友連蝦頭啲膏都唔放過，食曬為止！
食完浜燒海鮮，好似未夠喉咁，叫多個安格斯牛肉稻庭烏冬。原來啲牛肉冇煮到熟曬，有啲似生牛肉河咁，你要浸一浸啲牛肉，所以入口時仲好滑，完全唔會老曬鞋曬囉！而且真係好有牛肉嘅香味，加埋我最鐘意嘅稻庭烏冬，好滑溜呀！
張貼
