星橋居酒屋

營業中

休息中

之前去中環行街，行得攰攰地就想搵個地方食個晚飯。我哋就去咗「星橋居酒屋」。餐廳有Regular 嘅Menu之外，仲有每日唔同嘅時令食物，寫喺黑板到。帆立貝刺身、鮑魚刺身：帆立貝刺身非常鮮甜、完全唔會有雪味、而且切好後。鮑魚刺身食落去似有少少醃咗，都好鮮甜。炸雞軟骨：唔會太油、炸得好香脆，不過覺得份量有啲少。炙燒拖羅蓉赤身卷：壽司卷入邊包咗赤身，而上邊鋪咗滿滿嘅拖羅蓉。本身都有調味，所以可以唔需要點豉油。好新鮮完全冇腥味。野菜天婦羅：同平時食開嘅野菜天婦羅好唔同，除咗正常嘅茄子同菇之外，仲有炸京蔥、洋蔥等等。雖然我個人比較鍾意食傳統嘅野菜天婦羅，不過我都幾特別。而且炸得好香脆、一啲都唔油膩。三文魚牛油果沙律：三文魚嘅份量超級多、加咗少少沙律醬芝麻醬、調味幾特別，而且好開胃。