滿屋定食

營業中

休息中

今日去粉嶺探舊朋友，佢話聯和墟開左間新餐廳，茶餐廳為主，又有D泰國菜，一於去食下!週未午飯時間黎到，都幾滿場。食物款色有好多款，每款都好吸引，定食價錢相宜，所以我地都叫左set。黃咖哩牛坑腩飯定食可以有3個類別，A就係湯，朋友簡左冬陰公湯。類別B就似前菜，簡左芝麻8爪魚仔，最後既C類別簡左炸蝦餅。定食感覺真係好豐盛! 黃咖哩香得黎，唔會話辣，應該好多人接受到。牛坑腩炆煮到好淋，好入味。冬陰公湯感覺好足料，好香!燒豬頸肉甲拋丼平時食泰國野都鐘意食香葉肉碎既我，今次滿足曬我2個願望，仲有埋燒豬頸肉。定食類叫左冬陰公湯 ，泰式雞座 同埋泰式魚餅。雞座幾特別，第一次食。燒豬頸肉好好食! 有焦脆邊，唔會好難咬! 香葉肉碎好夠味，配飯食岩岩好，仲有隻好靚既太陽蛋。燒雞肉串既炭燒味好重，唔錯! 野飲都好多選擇，叫左泰奶同埋凍美綠朱古力，係聯和墟既餐廳比較少見，幾好飲。