聖安娜餅屋 (已結業)

媽媽節將至，我哋幾個就夾錢同媽媽食餐飯兼買咗個蛋糕慶祝。口味係媽媽至愛嘅芒果，呢款叫mango 400，睇佢哋啲傳單講係用咗400g嘅菲律賓呂宋芒果肉整。外面鋪咗芒果片，咁我哋又冇用個磅磅吓係唔係有400g，不過都算多同埋鋪得幾平均，同埋呢個芒果夠熟，食落幾甜唔酸。至於中間就分別係芒果西米慕絲、海綿蛋糕同朱古力脆脆，有唔同嘅口感之餘又唔膩，差唔多二百蚊個都算係咁。