稻香超級漁港 (已結業)

今年公司唔知搞咩，居然喺中式酒樓度開xmas party，慶幸嘅係成班同事都玩得好投入、好盡慶！由於我哋公司只係擺咗十圍，於是酒樓只係間咗一邊俾我哋，講真，裝飾就無乜聖誕feel架喇，靠我哋自己帶去都唔帶得好多，不過在場嘅店員都好合作，盡量配合我哋，成個場出到黎結果都幾好睇。未開席之前有好大"兜"fruit punch俾我哋飲，乜中式都有呢家嘢嘅咩﹖最impressed嘅係每枱枱面都有座「生果山」，幾種唔同嘅生果堆到勁高，廿人都食唔晒！好喇，到上菜，一開始就係我最鍾意嘅乳豬，燒得啱啱好，正！雞絲翅入面d翅都幾多，咬落去都彈彈吓架！其他嘢例如魚、飽魚果d都幾好味，最鐘意嘅係有人分埋餸上枱，唔洗煩！差咁d嘅係全晚掛住玩，搞到d嘢凍晒先食，如果唔係應該更加好味！臨走前忍唔住走去問店員拎咗張宴席嘅菜單，諗住屋企做節可以黎喺度，價錢ok！唔知係咪最近先食咗一餐類似嘅宴席，搞到有比較，覺得呢間無論喺服務同食物方面都抵好多！