快樂蜂 (黃埔天地)

營業中

休息中

人氣菲律賓快餐店最近推出全新聖誕二人餐，包含兩款開胃小食、主菜、甜點同飲品，價格親民，食物即叫即整，新鮮滾熱辣，約埋另一半簡簡單單食個晚餐嘅都係個唔錯嘅選擇呀。樂脆雞有四件，可以自行選擇原味或辣味，雞鎚雞胸各二，外層炸至酥脆可口，肉質嫩滑啖啖肉，咬落Juicy，點埋經典蘑菇醬汁可增添口味。另有雞塊，細細一件方便食用，皮亦唔算厚😌主食可以揀意粉、咖哩飯、芝士肉醬意粉或蘑菇，店員推介咖喱飯，飯同醬汁分開上十分貼心，醬汁濃郁，濃稠度適中，撈飯一流。薯條係幼身嘅，口感味道同M記差不多，但冇咁鹹。甜品有香芒蜜桃批，份量係蘋果批嘅一半，外皮金黃酥脆，內裏爆漿，酸酸甜甜咁好開胃，大人小朋友都啱食。而飲品要咗青檸茶梳打，飲落清爽夠解膩，比起汽水更加值得點。