COCOMO (已結業)

是日係聖誕節，一家人黎到Cocomo食餐好既，正正因為係聖誕節，平時有既平價食物今日都無，只有聖誕MENU，不過都唔係貴過平時好多啫。今日每個餐都有南瓜忌廉湯，麵包，沙律，主菜同埋飲品。南瓜忌廉湯好creamy，用料恰當，麵包每人仲有3款，設計有創意，熱辣辣咁上碟，最好食係個牛角包，又香又鬆軟。燒汁香蔥雞肉蛋包飯: 蛋包飯賣相都幾好，但係味道比較淡，汁亦都唔太夠，焗海鮮飯(忌廉汁): 飯既海鮮好足料，有蝦，青口，魷魚等等，用忌廉汁亦都非常配合，加左少少芝士，味道淡淡地唔太濃亦唔太膩，整體來說, 份量好足，整體配搭唔錯。廣島蠔肉蕃茄意粉: 意粉口感彈牙,  蠔肉細細粒，份量唔多，混左係意粉裡面，無咩雪藏味，醬汁仲好重蕃茄味，好好味。食完主菜之後仲有咖啡或茶，之前試過呢到D咖啡，覺得唔錯，所以今次都係揀返咖啡。