恆河咖喱餐廳 (已結業)

跟太座一家遠征西灣河，嚟食個聖誕咖喱大餐...筲箕灣嘅本店就食過一次，呢度就未試過。試過後發覺水準差別不大...食到杯盤狼籍，有如狂風掃落葉..當中最出色要算係chicken korma。呢款印度嘅"白咖喱"，椰香味甚濃，加入大量腰果，且辣味不濃，啱晒不太食得辣嘅太座。雞件亦頗滑，醮上roti及naan餅而食，轉眼間已食至碗底朝天。再追加嘅duck breast korma，亦同樣食到一滴汁也不剩...見menu上有vindaloo呢款印度辛辣咖喱嘅代表，想叫。但驚唔太食得大辣嘅太太一家接受不到，就此作罷...再叫多款masala配羊腩及羊膝，都做得不錯。羊膝入口肉淰糯，不過唔多夠膻...豬仔脾tandoori亦做得不俗，不太乾，仍留有少少肉汁，肉亦不韌...水準仍是不錯，且價錢夠平，值得再試...