激安之殿堂美食廣場

營業中

休息中

聖誕節今年真係無咩氣氛，訂左個聖誕先有既「大拖羅海膽雜錦壽司盛盒」去朋友屋企食。唔知點解大拖羅水準好兩極，我食個幾舊有好鮮味，又有腥味，姐係有新鮮既，又有唔新鮮嘅，可能係有兩條唔同既吞拿魚！帶子就正常啦，無雪味，但又唔係好鮮，只能說是正常，海膽就唔錯，應該同係Donki買個排海膽差唔多味。三文魚同花之戀都係普通，我覺得另外兩間日式大型超級市場整得會好食啲，依個拼盤HK$698, 屬於中價，不過性價比只係一般，間唔中都可以食下，多人share 係幾好！但值得讚既係員工態度，知道我係黎拎壽司外賣，即刻幫我安排，成件事都好流𣈱！