BRICK LANE Deli (已結業)

聖誕節緊係要食返餐聖誕大餐！今日同朋友黎到沙田，睇完戲之後就決定黎呢度食，望落環境舒適，坐得舒服，岩晒我地聚一聚！下午茶時段唔算太多人，唔洗等位就入得！之前食過eggs Benedict 覺有唔錯，所以今次要再encore 😆今次就叫左三文魚eggs Benedict,賣相好吸引，一切開蛋漿流出，做到流心效果，配埋煙三文魚味道好夾，一定要趁熱食！另外仲叫左黑松露蘑菇天使面，每條面都掛上濃濃既黑松露忌廉汁，食落好creamy，面頭仲有啲芝士碎，值得一試！熱愛香腸既我地就叫左個香腸拼盤，有香草腸，豬肉腸等等。份量都幾多，可以比我地試多啲唔同類型既香腸，岩晒我地一齊開心share!最後當然唔少得甜品，好多款蛋糕都好吸引！我就揀左特濃朱古力蛋糕，食落濃濃朱古力味，唔會太甜，底層仲有啲脆脆，好有口感！