影片
更多
2021-12-25
412 瀏覽
聖誕節梗係食聖誕大餐啦, 呢間餐廳嘅聖誕大餐相當豐富,而且價錢相當實惠。頭盤有例牌麵包, 配上牛油,為聖誕大餐拉開序幕！套餐預設餐湯係火樹銀花忌廉湯, 今次為左應節,我就點咗紅噹噹嘅羅宋湯。羅宋湯用料十分足料, 濃濃嘅蕃茄香配上羅宋湯主要嘅配料例如蘿蔔洋蔥等等, 味道可口。套餐仲配埋沙律,沙律上面充滿咗好多唔同嘅生果主菜係香煎紐西蘭牛肉眼扒配虎蝦, 肉眼扒煎得十分甘香可口, 肉味相當突出, 而且塊扒煎到啱啱好,唔太淋亦唔太硬, 虎蝦 開咗邊, 蒜香味同蝦味撲鼻而來, 加上蝦外觀亦相當吸引。 值得一提嘅係肉眼同虎蝦嘅醬汁,非常正！最後係一客木糠布甸為呢餐聖誕大餐作完美嘅收官, 布甸相當迷你, 表面遍佈木糠,布甸充滿牛奶味, 賣相相當精緻！
頭盤有例牌麵包, 配上牛油,為聖誕大餐拉開序幕！
套餐預設餐湯係火樹銀花忌廉湯, 今次為左應節,我就點咗紅噹噹嘅羅宋湯。羅宋湯用料十分足料, 濃濃嘅蕃茄香配上羅宋湯主要嘅配料例如蘿蔔洋蔥等等, 味道可口。
套餐仲配埋沙律,沙律上面充滿咗好多唔同嘅生果
主菜係香煎紐西蘭牛肉眼扒配虎蝦, 肉眼扒煎得十分甘香可口, 肉味相當突出, 而且塊扒煎到啱啱好,唔太淋亦唔太硬, 虎蝦 開咗邊, 蒜香味同蝦味撲鼻而來, 加上蝦外觀亦相當吸引。 值得一提嘅係肉眼同虎蝦嘅醬汁,非常正！
最後係一客木糠布甸為呢餐聖誕大餐作完美嘅收官, 布甸相當迷你, 表面遍佈木糠,布甸充滿牛奶味, 賣相相當精緻！
張貼
